Pomoc za LibreOfficeDev 24.2
To jo wopisanje wšych menijow, pódmenijow a jich dialogow LibreOfficeDev Draw.
Wokno, kótarež dokument wopśimujo, kótaryž cośo wobźěłaś, musy se wubraś, aby se menijowe pśikaze wužywali. Rowno tak musyśo objekt w dokumenśe wubraś, aby menijowe pśikaze wužywał, kótarež su z objektom zwězane.
Menije su wót konteksta wótwisne. To wóznamjenijo, až te menijowe zapiski su k dispoziciji, kótarež su za aktualne źěło relewantne. Jolic kursor jo w teksće, su wšykne menijowe zapiski k dispoziciji, kótarež su za wobźěłowanje trjebne. Jolic sćo wubrał grafiku w dokumenśe, wiźiśo wšykne menijowe zapiski, kótarež móžośo wužywaś, aby grafiki wobźěłał.
Toś ten meni powšykne pśikaze za źěło z dokumentami Draw wopśimujo, na pśikład napóraś, wócyniś, zacyniś a śišćaś. Aby LibreOfficeDev Draw zacynił, klikniśo na Skóńcyś.
Pśikaze w toś tom meniju se za wobźěłowanje dokumentow Draw wužywaju (na pśikład za kopěrowanje a zasajźowanje do mjazywótkłada).
Toś ten meni pśikaze wopśimujo, kótarež pokazanje dokumenta na wobrazowce wóźe, wužywaŕski pówjerch změnjaju a maju pśistup k wobceŕkam bocnice.
Toś ten meni wam zmóžnja, elementy, na pśikład grafiki a wótpópadańske linije, do dokumentow Draw zasajźiś.
Wopśimujo pšawopisne rědy, nastajenja za redigěrowanje, asistent za serijowy śišć, makra, wuwijańske rědy, zastojnik rozšyrjenjow ako teke rědy za konfigurěrowanje a pśiměrjowanje menijow a póstajenje programowych nastajenjow.
Meni Rědy pśikaze wopśimujo, z kótarymiž móžośo pšawopis kontrolěrowaś, tabelowym póśěgam slědowaś, zmólki namakaś a scenariumy definěrowaś, ako teke rědy za konfiguraciju menijow a póstajenje programowych nastajenjow.
Wopśimujo pšawopisne rědy, medijowy wótgrawak, pipetu, miniměrowak prezentacijow a rědy za konfiguraciju menijow a póstajenje programowych nastajenjow.
Toś ten meni rědy za LibreOfficeDev Draw a teke pśistup k rěcnym a systemowym nastajenjam bitujo.