Pomoc za LibreOffice 7.6
Póstaja typ wózjawjenja.
Móžośo pódaś, jolic cośo wobłuki zapśimjeś, titel napóraś abo prezentaciske notice pokazaś.
Definěrujo zakładne nastajenja za póžedany eksport.
Napórajo boki standardnego HTML z eksportowych bokow.
Napórajo standardne HTML-boki z frameami. Eksportěrowany bok se w głownem frame placěrujo, a frame nalěwo zapis wopśimjeśa we formje hyperwótkazow pokazujo.
Napórajo titelowy bok za waš dokument.
Pódawa, až waše notice se teke pokazuju.
Napórajo standardnu HTML-prezentaciju ako kioskowy eksport, w kótaremž se folije pó pódanem casu awtomatiski póstupuju.
Folijowy pśechad wót casa wótwisujo, kótaryž sćo nastajił za kuždu foliju w prezentaciji. Jolic sćo nastajił manuelny pśechad boka, HTML-prezentacije nowy bok pokazujo, gaž někaku tastu na swójej tastaturje tłocyśo.
Pśechad boka se pó wěstem zajźonem casu awtomatiski stawa a njewótwisujo wót wopśimjeśa prezentacije.
Definěrujo, kak dłujko se kužda folija pokazujo.
Startujo HTML-prezentaciju awtomatiski znowego, za tym až jo se slědna folija pokazała.
W eksporśe WebCast se awtomatiske skripty z Perl- abo ASP-pódpěru generěruju. To powědarjeju zmóžnja (na pśikład w telefonowej konferency z pomocu prezentacije w interneśe), folije we webwobglědowakach publikuma změniś. Za dalšne informacije glejśo WebCast dalej dołojce w toś tom wótrězku.
Gaž móžnosć ASP wuběraśo, eksport WebCast ASP-boki napórajo. Źiwajśo na to, až HTML-prezentacija dajo se jano pśez serwer póbitowaś, kótaryž ASP pódpěra.
Wužywa se pśez WebCast, aby HTML-strony a Perl-skripty napórał.
Pódawa URL (absolutny abo relatiwny), kótaryž se ma pśez pśiglědowarja zapódaś, aby prezentaciju wiźeł.
Pódawa URL (absolutny abo relatiwny), źož jo se składła napórana HTML-prezentacija na webserwerje.
Pódawa URL (absolutny abo relatiwny) za generěrowane Perl-skripty.
Dajo dwě móžnosći za eksportěrowanje prezentacijow LibreOffice Impress z technologiju WebCast: Active Server Pages (ASP) a Perl.
We wobyma padoma WebCast HTTP-serwer z pódpěru Perl abo ASP ako skriptowu rěc trjeba. Togodla eksportěrowańska móžnosć wót HTTP-serwera wótwisujo, kótaryž se wužywa.
Aby do ASP eksportěrował, wubjeŕśo w dokumenśe LibreOffice Impress Dataja – Eksport. Wiźiśo pón dialog Eksportěrowaś, w kótaremž HTML-Dokument ako datajowy wuběraśo. Gaž sćo zapódał zapis wubrał a datajowe mě, klikniśo na Speichern. Za eksport do ASP pórucujomy, „pótajmne“ datajowe mě za HTML-dataju wubraś (glejśo dołojce za dalšne drobnostki). Móžośo pón dialog HTML-eksport wiźeś. Někotare dataje se do zapisa pišu, kótaryž sćo rowno wubrał.
Pśednosowaó zapódane datajowe mě wužywa, aby mjazy folijami pśejšeł, kótarež publikum wiźi. Móžośo dataje WebCast lokalnje składowaś abo je direktnje na HTTP-serwer składowaś. Móžośo lokalnje skłaźone dataje pózdźej pśez FTP na HTTP-serwerje pśenosowaś. Źiwajśo na to, až WebCast jano funkcioněrujo, jolic se dataje pśez HTTP-serwer napominaju.
Njewužywajśo samski zapis za dwa rozdźělnej HTML-eksporta.
Wubjeŕśo WebCast ako wózjawjeński typ na drugem boku asistenta za HTML-eksport.
Wubjeŕśo we wobceŕku nastajenjow WebCast nastajenje Active Server Pages (ASP). Móžośo něnto hyšći dalšne nastajenja definěrowaś abo z eksportom zachopiś, gaž na tłocašk Napóraś klikaśo.
Móžośo WebCast wužywaś, gaž pśez HTTP-serwer pśistup k eksportěrowanym datajam maśo.
Pśikład:
Wuchadajmy z togo, až sćo isntalěrował Microsoft Internet Information Server na swójom licadle. Sćo zapódał zapis „c:\Inet\wwwroot\prezentacija“ ako zapis za HTML-wudaśe za IIS-konfiguraciju. URL wašogo licadła ma „http://mójserwer.com“ byś.
Sćo składł dataje, kótarež su se napórali w běgu eksportowego procesa w zapisu c:\Inet\wwwroot\prezentacija\. W toś tom zapisu eksport HTML-dataju napórajo, kótaraž se na pśikład „pótajmny.htm“ groni. Sćo zapódał toś to mě w dialogu Składowaś (glejśo górjejcee). Pśednosowaŕ móžo něnto dataje HTML-eksporta pśeglědowaś, gaž URL http://mójserwer.com/prezentacija/pótajmny.htm w někakem HTTP-wobglědowaku zapódawaśo, kótaryž JavaScript pódpěra. Pśednosowaŕ móžo něnto bok z pomocu formularowych elementow změniś.
Publikum móžo se něnto foliju woglědaś, kótaruž pśednosowaŕ jo wubrał psez http://mójserwer.com/prezentacija/webcast.asp. Druge folije toś togo URL njedaju se wubraś, snaźkuli datajowe mjenja su znate. Pšosym zawěsććo, až HTTP-serwer lisćinu zapisow njepokazujo.
Wubjeŕśo w dokumenśe LibreOffice Impress Dataja – Eksportěrowaś, aby eksportěrował. To dialog Eksportěrowaś wócynja, w kótaremž HTML-Dokument ako datajowy typ wuběraśo. Za tym až sćo wubrał zarědnik a zapódał datajowe mě, klikniśo na Speichern. To asistent HTML-eksporta wócynja. To někotare dataje do zarědnika pišo, kótaryž sćo rowno wubrał.
Zapódane datajowe mě se wót pśednosowarja wužywa, aby folije wuměnił. Pšosym wubjeŕśo prozny zapis.
Wubjeŕśo na drugem boku HTML-eksporta WebCast ako typ wózjawjenja.
Wubjeŕśo we wobceŕku nastajenjow za WebCast Perl.
Zapódajśo w tekstowem pólu URL za pśisłucharjow datajowe mě HTML-dokumenta, kótaryž se publikum woglědujo. Zapódajśo w URL za prezentaciju URL zapisa, kótaryž se za prezentaciju wužywa a zapódajśo w URL za Perl-skripty URL za zapis CGI-skriptow. Móžośo něnto dalšne nastajenja na slědujucych bokach asistenta definěrowaś abo eksportowy proces startowaś, gaž na tłocašk Napóraś klikaśo.
Dataje, kótarež su se napórali w běgu eksporta, muse se něnto na HTTP-serwerje konfigurěrowaś, za kótaryž jo Perl zmóžnjony. To njedajo se wjele rozdźělnych HTTP-serwerow dla, kótarež Perl pódpěraju, awtomatiski anulěrowaś. Kšace, kótarež musyśo wuwjasć, se dołojce wopisuju. Pšosym cytajśo swóju serwerowu pśirucku abo pšašajśo se swójogo seśowego administratora, kak dejśo toś te kšace na swójom serwerje nałožyś.
Nejpjerwwjej musyśo dataje, kótarež su se napórali w běgu eksporta, do pšawego zapisa na HTTP-serwerje pśesunuś.
Pśesuńśo wšykne dataje, kótarež kóńcowki htm, jpg a gif maju, do zapisa na swójom HTTP-serwerje, na kótaryž se w tekstowem pólu URL za prezentaciju póśěgujo.
Wšykne dataje, kótarež kóńcowki pl a txt maju, muse se do zapisa na wašom HTTP-serwerje pśesunuś, na kótaryž se w tekstowem pólu URL za Perl-skripty póśěgujo. Toś ten zapis musy se tak konfigurěrowaś, až wopśimjone Perl-skripty daju se teke pśez HTTP-pominanje wuwjasć.
Na systemach UNIX musyśo datajam z kóńcowku pl pšawa daś, aby se pśez HTTP-serwer wuwjasć dali. W normalnem paźe se to z pśikazom chmod cyni. Dataja currpic.txt musy HTTP-serweroju pisański pśistup dowóliś.
Něnto dejał wy móc, WebCast wužywaś.
Pśikład:
W toś tom pśikłaźe maśo licadło Linux z HTTP-serwerom. URL wašogo HTTP-serwera jo http://mójserwer.com a wudawański zapis wašych HTML-dokumentow jo zapis //user/local/http/. Waše Perl-skripty su w zapisu //user/local/http/cgi-bin/. Zapódajśo pótajmny.htm ako mě eksportoweje dataje a prezentacija ako URL za pśisłucharjow. Zapódajśo http://mójserwer.com/presentacija/ w tekstowem pólu URL za prezentaciju a http://mójserwer.com/cgi-bin/ za URL za Perl-skripty.
Kopěrujśo něnto wšykne dataje *.htm, *.jpg a *.gif ze zapisow, kótarež su byli za eksport w zapisu //user/local/http/prezentacija/ na wašom HTTP-serwerje pódane a kopěrujśo wšykne dataje z kóńcowkoma *.pl a *.txt do zapisa //user/local/http/cgi-bin/.
Pśizjawśo se na swójom serwerje ako root a pśejźćo k zapisoju //user/local/http/cgi-bin/. Móžośo wótpowědne pšawa z pomocu pśikaza chmod nastajiś.
Gaž sćo dokóńcył instalaciju datajow Perl, móžo pśednosowaŕ prezentaciju pokazaś. Pśisłucharje mógu se prezentaciju pód URL http://mójserwer.com/prezentacija/prezentacija.htm woglědaś.