Recursos do Impress do LibreOfficeDev

LibreOfficeDev Impress permite crear presentacións profesionais de diapositivas con gráficas, obxectos de debuxo, texto, multimedia e variedade de elementos. Se o desexa, pode importar e modificar as presentacións de Microsoft PowerPoint

Para que as presentacións de diapositivas sexan máis atractivas, pode utilizar técnicas de transición de diapositivas e multimedia.

Crear imaxes vectoriais

Moitas das ferramentas para crear imaxes vectoriais en LibreOfficeDev Draw están dispoñíbeis en LibreOfficeDev Impress.

Crear diapositivas

LibreOfficeDev Impress fornécelle modelos para crear diapositivas de deseño profesional.

Tamén pode atribuír unha serie de efectos dinámicos ás diapositivas, como efectos de animación e transición.

Crear presentacións

Ao deseñar unha presentación de diapositivas, poden usarse varios tipos de visualizacións ou páxinas. Por exemplo, o Clasificador de diapositivas mostra unha presentación das diapositivas en miniatura, e a páxina Folletos contén tanto a diapositiva como o texto que pretende distribuír entre a audiencia.

LibreOfficeDev Impress tamén permite facer probas cos intervalos de tempo da presentación de diapositivas.

Publicar presentacións

Pode publicar as súas presentacións en pantalla, como folletos ou como documentos HTML.

Executar presentacións

LibreOfficeDev Impress permite executar presentacións de diapositivas de maneira automática ou manual.