LibreOfficeDev 25.2 Help
LibreOfficeDev Calc بىر خىل ئېلېكترونلۇق جەدۋەل قوللىنىشچان پروگراممىسى بولۇپ، سانلىق مەلۇماتنى ھېسابلاش، تەھلىل قىلىش ۋە باشقۇرۇشقا ئىشلىتىشكە بولىدۇ، Microsoft Excel ئېلېكترونلۇق جەدۋىلىنى ئەكىرىش ۋە ئۆزگەرتىشكە ئىشلىتىشكىمۇ بولىدۇ.
LibreOfficeDev Calc تەمىنلىگەن فۇنكسىيە ستاتىستىكا ۋە يىغىندا فۇنكسىيىسىنى ئۆز ئىچىگە ئالىدۇ، بۇ فۇنكسىيىلەر فورمۇلا قۇرۇپ سانلىق مەلۇماتلارغا نىسبەتەن مۇرەككەپ ھېسابلاش ئېلىپ بېرىشقا ئىشلىتىلىدۇ.
سىز فۇنكسىيە يېتەكچى ئىشلىتىپ ئۆزىڭىزنىڭ فورمۇلاسىنى قۇرالايسىز.
دىققەت قىلىشقا تىگىشلىك شۇنداق بىر ئىقتىدار باركى: بىر قانچە كۆپەيتكۈچىدىن تەشكىل تاپقان ھېسابلاشقا نىسبەتەن، ئۇنىڭ ئىچىدىكى بىر كۆپەيتكۈچى ئۆزگەرتىلسە ئۇنىڭ ھېسابلاش نەتىجىسىنى شۇ ئانلا كۆرگىلى بولىدۇ. مەسىلەن، قەرز ھېسابلاشتا چىقىم قىلىش مەزگىلىنىڭ ئۆزگىرىشى ئۆسۈم نىسبىتى ۋە تۆلەم سوممىسىغا قانداق تەسىر كۆرسىتىدىغانلىقىنى كۆرگىلى بولىدۇ. ئۇندىن باشقا، ئوخشاش بولمىغان ئالدىن بەلگىلەنگەن لايىھە ئىشلىتىپ نىسبەتەن چوڭ بولغان جەدۋەلنى باشقۇرغىلى بولىدۇ.
ئېلېكترونلۇق جەدۋەل ئىشلىتىپ سانلىق مەلۇماتلارغا نىسبەتەن تەرتىپلەش، ساقلاش ۋە سۈزۈش مەشغۇلاتى ئېلىپ بارغىلى بولىدۇ.
LibreOfficeDev Calc دا سانداندىن جەدۋەل سۆرەشكە يول قويىدۇ، ياكى ئېلېكترونلۇق جەدۋەلنى LibreOfficeDev Writer دىكى پىچىملىق خەت-چەك مەنبەسى قۇرۇشنىڭ سانلىق مەلۇمات مەنبەسى قىلىشقا يول قويىدۇ.
چاشقىنەكنى بىر قانچە قېتىم چېكىپ قويسىڭىزلا ئېلېكترونلۇق جەدۋەلنى قايتىدىن تەشكىللىيەلەيسىز، بەلگىلەنگەن سانلىق مەلۇمات دائىرىسىنى كۆرسىتىش ياكى يوشۇرۇشقا قولايلىق بولۇشى ئۈچۈن، مۇئەييەن شەرت بىلەن دائىرىنى پىچىمغا ئىگە قىلغىلى بولىدۇ ياكى تۈرگە ئايرىلغان يىغىندا ۋە ئومۇمىي يىغىندىنى تېز سۈرئەتتە ھېسابلىغىلى بولىدۇ.
LibreOfficeDev Calc ھەرىكەتچان دىئاگرامما ئارقىلىق ئېلېكترونلۇق جەدۋەلدىكى سانلىق مەلۇماتلارنى كۆرسىتەلەيدۇ، ھەرىكەتچان دىئاگراممىمۇ سانلىق مەلۇماتلارنىڭ ئۆزگىرىشىگە ئەگىشىپ ئۆزلۈكىدىن يېڭىلىنىدۇ.
LibreOfficeDev سۈزگۈچ ئىشلىتىپ Excel ھۆججىتىنى ئايلاندۇرىدۇ ياكى باشقا پىچىم دا ھۆججەتنى ئېچىپ ۋە ساقلايدۇ.