Pomoc za LibreOfficeDev 25.2
Makra LibreOfficeDev se w modulowych datajach rěduju, module se zwětšego w zarědnikach bibliotekow rěduju a biblioteki se w kontejnerach rěduju, lěcrownož kontejnery mógu teke module wopśimowaś.
Biblioteka se ako głowne zrědowanje za pak cełu kategoriju makrow pak cełe nałoženje wužywa. Module se zwětšego funkcionalnosć źěle, na pśikład wužywaŕsku interakciju a woblicenja. Jadnotliwe makra su pódrutiny a funkcije. Wobraz dołojce pśikład hierarchiskeje struktury makrowych bibliotekow w LibreOfficeDev pokazujo.
Wobraz: Hierarchija makroweje biblioteki
Kontejnery su pśistupne we wšych programach LibreOfficeDev pśez wužywaŕski pówjerch. Wubjeŕśo
, aby dialog Makra Python wócynił.Tśi bibliotekowe kontejnery se w lisćinje „Makra“ pokazuju:
Móje makra: wósobinske makra, kótarež su wužywarjeju %PRODUKTNAME k dispoziciji
Nałožeńske makra: systemowe makra, kótarež se z LibreOfficeDev za kuždego wužywarja licadła rozdźěluju
Dokumentowe makra: kuždy dokument móžo makrowe biblioteki wopśimowaś, kótarež su w tom dokumenśe za wše wužywarje k dispoziciji
Glejśo Pósejźeńske informacije wótwołaś, aby programowy pśistup k městnam skriptow Python dostał.
Eksistěrujuce makra na toś tom městnje (w toś tom kontejnerje) su se kopěrowali pśez instalaciski program a su kuždemu wužywarjeju licadła k dispoziciji. Kuždy wócynjony dokument ma pśistup k makram, kótarež su w kontejnerje skłaźone. Trjebaśo pšawa administratora, abyšće makra how składował abo wobźěłował.
Městno makrowego kontejnera LibreOfficeDev w datajowem systemje wót źěłowego systema wótwisujo:
Za Windows: {Installation}\share\Scripts\python.
Za Linux a macOS: {Installation}/share/Scripts/python.
Toś ten kontejner jo jano za wužywarja LibreOfficeDev pśistupny. Kuždy wócynjeny dokument móžo pśistup k makram měś, kótarež su w kontejnerje skłaźone. Makra na toś tom městnje se we wužywaŕskem profilu LibreOfficeDev składuju.
Městno kontejnera „Móje makra“ jo we wužywaŕskem rumje a wótwisujo wót źěłowego systema:
Za Windows,
%APPDATA%\LibreOffice\4\user\Scripts\python.
Za Linux a macOS,
$HOME/.config/libreoffice/4/user/Scripts/python.
Dokumentowe makra se w dokumenśe zasajźuju a su jano pśistupne, gaž dokument jo wócynjony.
Makra Python daju se w bibliotekach, modulach a makrach organizěrowaś. Wužywajśo hierarchiju makrowych bibliotekow ako pśewódnik, gaž nowe makra w modulowych datajach, nowe modulowe dataje w bibliotekowych zarědnikach abo nowe bibliotekowe zarědniki w kontejnerach naporajośo abo instalěrujośo.