Fakse pósłaś a LibreOfficeDev za faksowanje konfigurěrowaś

Aby faks direktnje z LibreOfficeDev pósłał, trjebaśo faksowy modem a faksowy gónjak, kótaryž nałoženjam zmóžnja, z faksowym modemom komunicěrowaś.

Faks pśez śišćaŕski dialog pósłaś

  1. Wubjeŕśo Dataja – Śišćaś… , aby dialog Śišćaś wócynił a pón faksowy gónjak w lisćinowem pólu .

  2. Gaž na W pórěźe klikaśo, se dialog za waš faksowy gónjak wócynja, źož móžośo faksowego dostawarja wubraś.

Faksowy symbol LibreOfficeDev konfigurěrowaś

Móžośo LibreOfficeDev konfigurěrowaś, až jadnotliwe kliknjenje na symbol aktualny dokument ako faks sćelo:

  1. Wubjeŕśo LibreOfficeDev Writer – Śišćaś.

  2. Wubjeŕśo faksowy gónjak z lisćinowego póla Faks a klikniśo na W pórěźe.

  3. Klikniśo na šypkowy symbol na kóńcu symboloweje rědki Standard. Wubjeŕśo Pśiměriś we wuběrańskem meniju.

    Rejtarik Symbolowa rědka dialoga Pśiměriś se zjawijo.

  4. Klikniśo na Pśikaze pśidaś.

  5. Wubjeŕśo kategoriju „Dokumenty“ a pón pśikaz „Standardny faks pósłaś“.

  6. Klikniśo na Pśidaś a pón Zacyniś.

  7. Klikniśo w rejtariku Symbolowe rědy na šypku dołoj (↓), aby nowy symbol na póžedanem městnje pozicioněrował. Klikniśo na W pórěźe.

    Waša symbolowa rědka Standard ma něnto nowy symbol, z kótarymž móžośo aktualny dokument ako faks pósłaś.