Dokumentowe předłohi rjadować

Dialog Zrjadowak dokumentowych předłohow wosnadnja dokumentowe předłohi rjadować a zmóžnja wam, nowe dokumenty z dokumentowymi předłohami wutworić.

Zo bychu wobdźěłanski čas zalutowali, startuja dokumentowe předłohi nowe dokumenty z do toho wupjelnjenym wobsahom a formatěrowanjom. Zrjadowak dokumentowych předłohow wam přistup k dokumentowym předłoham zmóžnja a móžeće z tym dokumentowe předłohi w LibreOfficeDev organizować.

LibreOfficeDev sadźbu zatwarjenych dokumentowych předłohow sobu přinjese, kotrež dadźa so wužiwać, zo byšće dokumenty, prezentacije, tabelowe dokumenty abo rysowanki wutworił. Móžeće dokumentowe předłohi wužiwać, kotrež w zrjadowaku dokumentowych předłohow k dispoziciji, swójske dokumentowe předłohi wutworić abo online za přidatnymi dokumentowymi předłohami pytać.

Hłowne wokno – wuběr dokumentowych předłohow

Přehlady k dispoziciji stejacych dokumentowych předłohow we hłownym woknje na wašim pytanskim a filtrowym wuběrje bazuja. Klikńće dwójce na symbol dokumentoweje předłohi, zo byšće nowy dokument z wobsahom a formatěrowanjom dokumentoweje předłohi wočinił.

Wubjerće Miniaturowy napohlad abo Lisćinowy napohlad deleka nalěwo, zo byšće změnił, kak so dokumentowe předłohi pokazuja.

Pytać

Zapodajće tekst do pytanskeho pola horjeka nalěwo, zo byšće za dokumentowej předłohu pytał. Hłowne wokno namakane dokumentowe předłohi pokazuje.

Filter

Móžeće filtrować po: wšěch nałoženjach, tekstowych dokumentach, tabelowych dokumentach, prezentacijach abo rysowankach, hdyž nastajenje z wuběranskeho pola horjeka wosrjedźa wuběraće. Hłowne wokno filtrowane dokumentowe předłohi pokazuje.

Kategorije

Kategorije su rjadowaki, hdźež móžeće swoje dokumentowe předłohi wotkładować. Wšě dokumentowe předłohi so w kategoriji wotkładuja a dadźa so jenož w jednej kategoriji wotkładować. Móžeće ze standardnych kategorijow wubrać: Wšě kategorije, Moje dokumentowe předłohi, Wobchodniska korespondenca, MediaWiki, Druhe wobchodniske dokumenty, Wosobinska korespondenca a dokumenty, Prezentacije abo Formatowe předłohi. Móžeće tež nowe kategorije za swoje wosobinske wužiwanje wutworić. Klikńće na Rjadować horjeka naprawo w zrjadowaku dokumentowych předłohow a wubjerće potom Nowa kategorija, zo byšće nowu kategoriju wutworił.

Je móžno, swójske dokumentowe předłohi přesunyć zatwarjene dokumentowe předłohi do druheje kategorije kopěrować. Wužiwajće nastajenje Přesunyć, kotrež namakaće, hdyž z prawej tastu na jednotliwu dokumentowu předłohu klikaće.

Rjadować

Klikńće na Rjadować horjeka naprawo, zo byšće meni Rjadować wočinił. Nastajenja su: Nowa kategorija, Importować a Rozšěrjenja. Jeli dokumentowa předłoha je jako standard nastajena, so nastajenje Standard wróćo stajić jewi. Jeli swójska kategorija je wubrana, so tež Kategoriju přemjenować a Kategoriju zhašeć jewitej.

Nowa kategorija

Zo byšće nowu kategoriju wutworił, zo byšće dokumentowu předłohu wotkładł, wubjerće tute nastajenje.

Standard wróćo stajić

Tute nastajenje so jenož jewi, jeli sće wěstu dokumentowu předłohu jako standard nastajił. Wužiwajće tutón přikaz, zo byšće tute nastajenje wotstronił. Wužiwajće Filter, zo byšće podał, kotra nałoženska dokumentowa předłoha so wróćo staji. Wubjerće Wšě nałoženja w Filter, zo byšće dokumentowe předłohi za wšě nałoženja na jich standardne dokumentowe předłohi wróćo stajił.

Importować

Zo byšće jednu dokumentowu předłohu abo wjacore dokumentowe předłohi do zrjadowaka dokumentowych předłohow importował, wubjerće Importować a potom kategoriju dokumentoweje předłohi w Kategoriju wubrać a potom dataje, kotrež so maja importować.

Rozšěrjenja

Zo byšće dalše dokumentowe předłohi online pytał, wubjerće Rozšěrjenja, zo byšće pytanske wokno wočinił. Móžeće tež na https://extensions.libreoffice.org za dokumentowymi předłohami pytać.

Akcije z jednotliwymi dokumentowymi předłohami

New From Template

Select a template in the main window and right-click and then choose Open, press Enter or double click to open a new document using that template.

You can also use the New From Template button on the bottom right to open a new document using the selected template.

Wobdźěłać

Select a template in the main window and right-click and then choose Edit to edit the template. For built-in templates, it is possible to edit a copy.

Jako standard nastajić

Wubjerće dokumentowu předłohu we hłownym woknje, klikńće z prawej tastu a wubjerće potom Jako standard nastajić, zo byšće dokumentowu předłohu jako standardnu dokumentowu předłohu nastajił. Přez to so zelena hóčka pódla wubraneje dokumentoweje předłohi zjewi a dokumentowa předłoha so awtomatisce začita, hdyž so nowy dokument z hodźacym so nałoženjom wutworja.

Přemjenować

Wubjerće dokumentowu předłohu we hłownym woknje, klikńće z prawej tastu a wubjerće potom Přemjenować, zo byšće dokumentowu předłohu přemjenował. Přez to so dialogowe polo zjewi, hdźež móžeće nowe mjeno za dokumentowu předłohu postajić. Zapodajće mjeno a wubjerće potom W porjadku abo Přetorhnyć, zo byšće hišće postajene mjeno cofnył.

Zhašeć

Wubjerće jednu dokumentowu předłohu abo wjacore dokumentowe předłohi we hłownym woknje, kotrež so maja zhašeć a tłóčće Entf abo klikńće z prawej tastu a wubjerće potom Zhašeć, zo byšće wubrane dokumentowe předłohi zhašał. Dialogowe polo so zjewi, kotrež was wo wobkrućenje prosy. Wubjerće Haj, zo byšće zhašał abo Ně, zo byšće přetorhnył.

Přesunyć

Zo byšće dokumentowe předłohi do druheje kategorije přesunył, wubjerće dokumentowu předłohu abo wužiwajće +kliknjenje, zo byšće přidatne dokumentowe předłohi wubrał, klikńće potom z prawej tastu a wubjerće Přesunyć, zo byšće dialogowe polo Kategoriju wubrać wočinił, hdźež móžeće cilowu kategoriju abo nowu kategoriju wubrać , do kotrejež dokumentowu předłohu přesuwaće. Zatwarjene dokumentowe předłohi njedadźa so přesunyć, ale kopije dadźa so w druhich kategorijach wutworić.

Eksportować

Wubjerće dokumentowu předłohu we hłownym woknje abo wužiwajće +kliknjenje, zo byšće přidatne dokumentowe předłohi wubrał, klikńće z prawej tastu a wubjerće Eksportować, zo byšće swój wuběr do rjadowaka na swojim ličaku eksportował.

Přikłady

Přikład 1 – Wutworjenje wobchodneho lista

1. Wočińće LibreOfficeDev Writer

2. Tłóčće +Umsch ()+N abo wubjerće Dataja – Nowy – Dokumentowe předłohi…, zo byšće zrjadowak předłohow wočinił.

3. Zapodajće „wobchodny list“ do pytanskeho pola.

4. Klikńće dwójce na jednu z dokumentowych předłohow z hłowneho wokna, zo byšće ju wubrał abo markěrujće ju a tłóčće Enter.

5. Nowy dokument so w nowej instancy LibreOfficeDev Writer wutworja, kotryž tutu předłohu wužiwa.

6. Změńće tekst a logo kaž trjeba

Přikład 2 – Dokumentowu předłohu importować – Wosobinska budgetowa tabela

1. Wočińće LibreOfficeDev Calc

2. Tłóčće +Umsch ()+N abo wubjerće Dataja – Nowy – Dokumentowe předłohi…, zo byšće zrjadowak předłohow wočinił.

3. Klikńće na Rjadować a wubjerće Rozšěrjenja, zo byšće online za dokumentowymi předłohami pytał.

4. Pytajće za předłohu Personal Budget a sćehńće jo

5. Wočińće zrjadowak dokumentowych předłohow a wubjerće tłóčatko Importować

6. Wubjerće kategoriju, do kotrejež chceće nowu dokumentowu předłohu składować, na přikład Moje dokumentowe předłohi a klikńće na W porjadku.

7. Přepytajće rjadowak, do kotrehož sće dokumentowu předłohu sćahnył, wubjerće ju a klikńće na Wočinić.

8. Dokumentowa předłoha je nětko we wubranej kategoriji k dispoziciji.

Přikład 3 – LibreOfficeDev Impress – Prezentaciska dokumentowa předłoha

1. Wočińće LibreOfficeDev Impress

2. Zrjadowak dokumentowych předłohow so awtomatisce wočinja, hdyž LibreOfficeDev Impress wočinjeće

3. Wubjerće dokumentowu předłohu za swoju prezentaciju, filtrujće po kategorijach abo pytajće

4. Móžeće tež kontekstowy meni wužiwać, importujće dokumentowu předłohu abo pytajće online za dokumentowej předłohu.

5. Někotre funkcije w zrjadowaku dokumentowych předłohow k dispoziciji njejsu, hdyž jón prěni raz awtomatisce wočinjeće. Po startowanju LibreOfficeDev Impress móžeće zrjadowak dokumentowych předłohow znowa wuwjesć, zo byšće přistup ke wšěm funkcijam měł.