Pomoc za LibreOfficeDev 25.8
LibreOfficeDev Draw wam zmóžnja, jadnore a kompleksne kreslanki napóraś a je do wjele rozšyrjonych wobrazowych formatow eksportěrowaś. Móžośo teke tabele, diagramy, formule a druge elementy do swójich kreslankow zasajźiś, kótarež su se napórali w programach LibreOfficeDev.
LibreOfficeDev Draw wektorowe grafiki z pomocu linijow a kśiwankow napórajo, kótarež se pśez matematiske wektory definěruju. Wektory linije, elipse a polygony pó jich geometriji wopisuju.
Móžośo jadnore 3D-objekty ako kóstki, kulki a cylindry w LibreOfficeDev Draw napóraś a samo swěśadło objektow změniś.
Kśidna a wótpópadańske linije su wizuelne pomocne srědki, kótarež wam pomagaju, objekty we wašej kreslance wusměriś. Móžośo teke objekt na liniji kśidna, wótpópadańskej liniji abo na kšomje drugego objekta pópadnuś.
Móžośo objekty w LibreOfficeDev Draw z wósebnymi linijami z mjenim „zwězowaki“ zwězaś, aby se póśěg mjazy objektami pokazał. Zwězowaki se lipatym dypkam kreslańskich objektow pśidawaju a wóstawaju z nimi zwězane, gaž se zwězane objekty pśesuwaju. Zwězowaki su wužytne, gaž se organigramy a techniske diagramy napóraju.
Techniske diagramy cesto wótměry objektow w kreslance pokazuju. W LibreOfficeDev Draw móžośo měrjeńske linije wužywaś, aby linearne wótměry woblicył a pokazał.
Galerija wobraze, animacije, zuki a druge elementy wopśimujo, kótarež móžośo w swójich kreslankach a w drugich programach LibreOfficeDev zasajźiś a wužywaś.
LibreOfficeDev Draw móžo do wjele rozšyrjonych grafiskich datajowych formatow eksportěrowaś, na pśikład. BMP, GIF, JPG a PNG.