Ayuda de LibreOfficeDev 26.2
LibreOfficeDev Calc ye una aplicación de fueyes de cálculu que pue usar pa calcular, analizar y xestionar datos. Tamién pue importar y modificar fueyes de cálculu de Microsoft Excel.
LibreOfficeDev Calc incorpora funciones, incluyíes funciones estadístiques y financieres, que puen utilizase pa crear fórmules que realicen cálculos complexos sobre los datos.
Tamién pue utilizase l'Asistente pa funciones como ayuda pa la creación de fórmules.
Una función interesante ye la posibilidá de ver nel intre'l resultáu de los cambeos realizaos nún de los factores qu'integren un cálculu. Por exemplu, pue ver cómo'l cambéu del períodu nel cálculu d'un préstamu afecta al interés o a les cantidaes de l'amortización. Arriendes, pue xestionar tables mayores usando delles situaciones hipotétiques predefiníes.
Utilice les fueyes de cálculu pa iguar, almacenar y peñerar datos.
LibreOfficeDev Calc dexa abasnar y asitiar tables de bases de datos; tamién pue utilizase una fueya de cálculu como fonte de datos pa la creación de cartes en serie en LibreOfficeDev Writer.
Basten unes poques pulsaciones del mur pa reorganizar la fueya de cálculu con cuenta de qu'amuese o anubra árees de datos determinaes, pa dar formatu según condiciones especiales o pa calcular con rapidez subtotales y totales.
LibreOfficeDev Calc permite presentar datos d'una fueya de cálculu en diagrames dinámicos que s'anoven automáticamente cuando camuden los datos.
Utiliza les peñeres de LibreOfficeDev pa convertir ficheros d'Excel o p'abrir y guardar n'otros varios formatos.