Kompatibelnosć

Pódawa nastajenja kompatibelnosći za tekstowe dokumenty. Toś te nastajenja pśi optiměrowanju LibreOfficeDev pomagaju, gaž se dokumenty Microsoft Word importěruju.

Wótkłon mjazy wótstawkami a tabelami pśidaś

W LibreOfficeDev Writer se wótstawkowy wótkłon hynac ako w dokumentach Microsoft Word definěrujo. Jolic sćo definěrował wótkłon mjazy dwěma wótstawkoma abo tabeloma, se teke wótkłon we wótpowědnych dokumentach Word pśidawa.

Pódawa, lěc se ma wótkłon, kótaryž jo z Microsoft Word kompatibelny, mjazy wótstawkami a tabelami w tekstowych dokumentach LibreOfficeDev pśidaś.

Wótstawkowy a tabelowy wótkłon górjejce na prědnem boku a łamanja boka pśidaś

Pódawa, lěc wótstawkowy wótkłon górjejce na boku se teke na zachopjeńku boka abo słupa wustatkujo, jolic wótstawk se na prědnem boku dokumenta pozicioněrujo. To samske za łamanje boka płaśi.

Tabulatorowe formatěrowanje OpenOffice.org 1.1 wužywaś

Pódawa, kak se ma tekst na tabulatorach za pšaweju kšomu wusměriś, kak maju z decimalnymi tabulatorami wobchadaś, a kak maju z tabulatorami blisko łamanja smužki wobchadaś. Jolic toś ten kontrolny kašćik njejo wubrany, wobchadaju z tabulatorami na samski nałog ako w drugich nałoženjach Office.

W tekstowych dokumentach, kótarež su se napórali pśez aktualnu wersiju Writer, se nowe wobchadanje z tabulatorami pó standarźe wužywa. W tekstowych dokumentach, kótarež su se napórali pśez wersije Writer pśed Staroffice 8 abo OpenOffice.org 2.0, se stare wobchadanje z tabulatorami nałožujo.

(Pśidatne) prozne znamje mjazy tekstowymi smužkami njepśidaś

Pódawa, až se pśidatny wótkłon (rozćěgnjenje) mjazy smužkami njezasajźujo, lěcrownož pismo, kótarež se wužywa, atribut za pśidatny wótkłon wopśimujo.

W tekstowych dokumentach, kótarež su se napórali pśez aktualnu wersiju Writer, se pśidatny wótkłon pó standarźe wužywa. W tekstowych dokumentach, kótarež su se napórali pśez wersije Writer pśed Staroffice 8 abo OpenOffice.org 2.0, se pśidatny wótkłon njewužywa.

Smužkowy wótkłon OpenOffice.org 1.1 wužywaś

Jolic toś to nastajenje jo znjemóžnjone, se nowy proces za formatěrowanje tekstowych smužkow z proporcionalnym smužkowym wótkłonom nałožujo. Jolic toś to nastajenje jo zmóžnjone, se pjerwjejšna metoda formatěrowanja tekstowych smužkow z proporcionalnym smužkowym wótkłonom nałožujo.

W tekstowych dokumentach napóranych pśez aktualnu wersiju Writer a w dokumentach Microsoft Words nejnowšych wersijow se nowy proces wužywa. W tekstowych dokumentach napóranych pśez wersije Writer pśed StarOffice 8 abo OpenOffice.org 2.0 se pjerwjejšny proces wužywa.

Wótkłon wótstawkow a tabelow na kóńcu tabelowych celow pśidaś

Pódawa, až se dolny wótkłon wótstawkoju pśidawa, samo gaby był slědny wótstawk w tabelowej celi.

Jolic toś to nastajenje jo znjemóžnjone, se tabelowe cele ako we wersijach Writer pśed StarOffice 8 abo OpenOffice.org 2.0 formatěruju. Jolic toś to nastajenje jo zmóžnjone, se alternatiwna metoda formatěrowanja tabelowych celow nałožujo. Toś to nastajenje jo pó standarźe za nowe dokumenty zmóžnjone, kótarež su se napórali z LibreOfficeDev, a za dokumenty, kótarež su se importěrowali z formata Microsoft Word.

Objektowe pozicioněrowanje OpenOffice.org 1.1 wužywaś

Pódawa, kak se ma pozicija znosujucych se objektow wulicyś, kótarež su na znamušku abo wótstawku nastupajucy górny a dolny wótkłon wótstawka zakokulone.

Jolic toś to nastajenje jo zmóžnjone, se znosujuce se objekty ako we wersijach Writer pśed StarOffice 8 abo OpenOffice.org 2.0 pozicioněruju. Jolic toś to nastajenje jo znjemóžnjone, se znosujuce se objekty z pomocu alternatiwneje metody pozicioněruju, kótaraž jo metoźe pódobna, kótaruž Microsft Word wužywa.

Toś to nastajenje jo za nowe dokumenty pó standarźe znjemóžnjone. Za dokumenty Writer napóranych pśed OpenOffice.org 2.0 jo toś to nastajenje zmóžnjone.

Tekstowy woběg wokoło objektow OpenOffice.org 1.1 wužywaś

Pó standarźe se wopśimjeśe głowoweje a nogoweje smužki boka ako teke wopśimjeśe nožki a kóńcneje nožki wokoło wisatych objektow wobrazowki njeběže. Toś zaźaržanje wótbłyšćujo, kak Microsoft Word z toś tymi objektami wobchada. Aby tekstowy běg wokoło wisatych objektow wobrazowki w głowowych/nogowych smužkach abo nožkach/kóńcnych nožkach zmóžnił, wubjeŕśo toś to nastajenje.

Jolic nastajenje jo wušaltowane, což jo standard, se nowy tekstowy běg nałožyjo.

Na woběgowy stil pśi pozicioněrowanju objektow źiwaś

Pódawa, kak ma kompleksny proces pozicioněrowanja znosujucych se objektow, kótarež su na znamušku abo wótstawku zakokulone, funkcioněrowaś. We wersijach Writer pśed StarOffice 8 abo OpenOffice.org 2.0 jo se wužywał iteratiwny proces, mjaztym až se w aktualnych wersijach jadnory proces wužywa, kótaryž jo samskemu procesoju w Microsoft Word pódobny.

Jolic toś to nastajenje jo znjemóžnjone, se stary iteratiwny proces LibreOfficeDev objektowego pozicioněrowanja wužywa. Jolic toś to nastajenje jo zmóžnjone, se nowy jadnory proces wužywa, aby kompatibelnosć z dokumentami Microsoft Word zawěsćił.

Wusměŕśo smužki z manuelnym łamanim smužki we wusměrjonych wótstawkach

Jolic toś to nastajenje jo zmóžnjone. Writer wótkłon mjazy słowami w smužkach zasajźujo, kótarež se z Umsch (⇧)+Enter we wótstawkach z blokoweju sajźbu kóńce. Jolic toś to nastajenje jo znjemóžnjone, se wótkłon mjazy słowami njerozšyrjujo, až njeby se smužki w blokowej sajźbje wusměrili.

Toś to nastajenje jo za tekstowe dokumenty .odt pó standarźe zmóžnjone. Składujo a zacytujo se z dokumentom w formaśe tekstowego dokumenta .odt. Toś to nastajenje njedajo se w starych tekstowych dokumentach .sxw składowaś, togodla jo toś to nastajenje za tekstowe dokumenty .sxw znjemóžnjone.

Formular šćitaś (nješćita wěcej ceły dokument. Zasajźćo wótrězk šćitany pśeśiwo pisanjeju město togo)

Gaž se formulary z Microsoft Word importěruju, se wopśimjeśe dokumenta zwenka wóźeńskich elementow formulara zastajiju a dajo se jano ako pśeśiwo pisanju šćitany importěrowaś. Toś to nastajenje wam zmóžnja, dokument wobźěłaś, gaž wóźeńske elementy w šćitanych wótrězkach zapśimuju.

Pśewisujuce prozne znamjenja kompatibelne z Word

Zawěsććo, až kóńcne prozne znamjenja a jich wuzwignjenje su kompatibelne z Microsoft Word. Toś to nastajenje jo pó standarźe za importěrowane formaty Microsoft Word (.doc, .docx, .rtf) zmóžnjone. Za dataje ODF jo toś to nastajenje pó standarźe znjemóžnjone.

Běłe linije tolerěrowaś, kótarež mógu se na slězynach PDF-boka zjawiś

Wužywajśo zakokulenje kresleńskego pórěda a tolerěrujśo běłe linije, kótarež se mógli na slězynach boka PDF zjawiju, kótarež su se napórali pśez stare dokumenty.

Wótstawki pólow serijowego lista z prozneju gódnotu schowaś, gaž se serijowy listy generěruju

Gaž toś to nastajenje jo aktiwne, wobchadaju z pólami datoweje banki, kótarež su prozne, kaž ze schowanymi wótstawkowymi pólami. Nastajenje jo pó standarźe zmóžnjone a nałožujo se awtomatiski na nje-ODF-dokumenty (aby se kompatibelnosć z drugimi běrowowymi paketami zawěsćiła). Za eksistěrujuce dokumenty ODT nastajenje znjemóžnjone wóstawa, jolic nastajenje njejo se do togo konfigurěrowało pód wobchowanim wugótowanja zestarjetych dokumentow.

Šćitane prozne znamjenja (NBSP) ako standardnu šyrokosć za prozne znamjenja zwobrazniś (za kšutu wjelikosć znjemóžnjone)

Gaž toś to nastajenje jo zmóžnjone (na žycenje za stare a nowe dokumenty), šćitane prozne znamje wěcej striktnje njepśeměnjatu šyrokosć njama. Gaž nastajenje jo znjemóžnjone, ma šćitane prozne znamje (znamuško NBSP) pśecej šyrokosć standardnego proznego znamjenja (U+0020) na danej smužce. Toś ta změna dajo se jano zawupytnuś, gaž wótstawk jo w blokowej sajźbje wusměrjony.

Mimo togo, gaž se njeśišćobne znamuška pokazuju, se něnto tilda (~) abo stopnjowy symbol (°) město šćitanego proznego znamjenja (NBSP) zjawijo, dokulaž šere pólo samo cesto njejo widobne.

Pśidatny wótkłon za licbu w nožkach / kóńcnych nožkach z wisateju prědneju smužku njepśidaś

Toś to nastajenje pśidatny wótkłon mjazy numerom nožki a jeje tekstom wótwónoźujo, gaž wótstawk ma wisate zasunjenje kaž na pśikład w Microsoft Word.

Tabulatory relatiwnje k zasunjenjeju wótstawka nastajiś

Toś to nastajenje wšykne tabulatorowe pozicije wótstawka relatiwnje k lěwej kšomje boka wusměrjujo, nic k zasunjenju wótstawka.

Rejtarikam dowóliś, se wušej pšaweje kšomy wupśestrěś

Gaž toś to nastajenje jo zmóžnjone, móžo se wótstawkowe tabulatory pśez pšawu kšomu wen wupśestrěwaś. Gaž jo znjemóžnjone, se tabulatory za pšaweju kšomu ignorěruju.

Njeglědałkujśo kresleńske objekty zakokulone we wótstawkach z pisańskim směrom wótpšawa dolěwa

Writer kresleńske objekty awtomatiski wótbłyšćujo, kótarež su we wótstawkach z pisańskim směrom wótpšawa dolěwa (RTL) zakokulone, Microsoft Word pak to njecyni. Gaž toś to nastajenje jo zmóžnjone (za dataje DOCX), Writer poziciju kresleńskich objektow awtomatiski njewótbłyšćujo, jadnorje, dokulaž su w tekstowem suku RTL zakokulone.

Kresliśo kóńcne nožki na kóńcu dokumenta w teksće, nic na separatnem boku

Pó standarźe Writer kóńcne nožki na jadnem boku abo na někotarych bokach placěrujo, mjaztym až Microsoft Word jo w smužce na kóńcu dokument pozicioněrujo, za samym tekstowym wopśimjeśim. Toś to nastajenje specielny wótrězk na rowninje wugótowanja napórajo a placěrujo kóńcne nožki w toś tom wótrězku a zapasujo je efektiwnje.

Pismowu metriku za tekstowe kśidno a aziski tekst wužywaś, kótaraž jo z Word kompatibelna

Gažkuli Microsoft Word pismo CJK wužywa, aby tekst wugótował, nałožujo pśidatny multiplikator na wusokosć smužki. Toś to zaźaržanje jano wót pismoweje dataje sameje wótwisujo – njegrajo žednu rolu, lěc pismo jo ako pódzajtšnoaziske pismo nastajone abo lěc tekst znamuška CJK wopśimujo. Jadnučki póstajajucy faktor jo, lěc se pismo same ako pismo CJK identificěrujo.

Jolic pismo wótpowědowanje z někotareju ze slědujucych kodowych bokow k wěsći dawa, se multiplikator smužkoweje wusokosći nałožujo:

• CP932 (JIS/Japańska)

• CP936 (zjadnorjona chinšćina)

• CP949 (Korejańske koděrowanje Wansung)

• CP950 (tradicionelna chinšćina)

Writer by originalne metriki pisma respektěrował, gaž se dataje DOC/DOCX wugótuju. Toś ta změna dajo Writer wopytowaś, zaźaržanje Microsoft Word emulěrowaś, pó wariabli kompatibelnosći.

Zajźowaś tomu, až wusokosć proznego znamuška smužkowu wusokosć wobwliwujo

Wótwónoźujo gódnotu wusokosći znamuškow prozne znamuško a tabulator (↹) z woblicenja smužkoweje wusokosći. Toś to nastajenje jo w dokumentowych datajowych formatach Microsoft Word pó standarźe zmóžnjone.

Pśewisujuce prozne znamjenja kompatibelne z Word pódšmarnuś

Nastajenje kompatibelnosći Kóńcne prozne znamjenja pódšmarnuś Microsoft Word. Pjerwjej jo se funkcija zaźaržał, ako by toś to nastajenje pśecej zmóžnjone było, mjaztym až jo pó standarźe znjemóžnjone we Word.

Pśiměŕśo prozne znamjenja na poł šyrokosći ideografiskich proznych znamjenjow z pomocu pšawidłow, kótarež su z Word kompatibelne

Gaž nastajenje jo zmóžnjone, Writer šyrokosć wěstych normalnych proznych znamjenjow na połojcu šyrokosći ideografiskeho proznego znamjenja CJK pśiměrjujo. Toś to pśiměrjenje se jano na zachopne a kóńcne prozne znamjenja, někotare prozne znamjenja za sobu a prozne znamjenja mjazy znamuškami CJK nałožujo.

Toś ta wariabla se awtomatiski zmóžnja, gaž se dataje DOCX ze zmóžnjonym nastajenim w:balanceSingleByteDoubleByteWidth importěruju, a teke, gaž se dataje DOC z njenastajoneju wariablu kompatibelnosći fDntBlnSbDbWid importěruju.

Pśiměŕśo wusokosću smužkow do wusokosći kśidna w tabeli

Za tekstowe dokumenty CJK, kótarež tekstowe kśidno CJK wužywaju, se licba smužkow na bok a licba znamuškow na smužku w pśedłoze boka pódawaju. W normalnem paźe se licba smužkow na bok teke tabele wobwliwujo. Toś to nastajenje kompatibelnosći to zaźaržanje znjemóžnja a zawěsćujo, až tabele pśez nastajenje smužkow kśidna na bok njewobwliwowane wóstawaju. Nastajenje jo se zawjadło, aby pódobnej funkciji w Microsoft Word wótpowědowało, kótarež dowólujo, až toś te dokumenty se korektnje kresle.

Wótstawkowe směry za wusměrjenje lisćinowego pópisanja ignorěrowaś

Writer něnto směr lisćinowego pópisanja nałožujo a zawěsćujo, až wusměrjenje zachopnego a kóńcnego pópisanja wusměrjenjeju zachopnego a kóńcnego wótstawka wótpowědujo. Gaž toś to nastajenje jo zmóžnjone, Writer wótstawkowy směr za lisćinowe pópisanja ignorěrujo a wužywa pśecej wusměrjenje wótlěwa dopšawa.

Aby se wugótowanje eksistěrujucych dokumentow wobchowało, se toś ta wariabla awtomatiski zmóžnja, gaž se ODF, kótaryž jo se ze staršymi wersijami LibreOfficeDev napórał, zacytajo.

Ako standard wužywaś

Klikniśo, aby aktualne nastajenja na toś tom rejtariku ako standard za pśichodne pósejźenja z LibreOfficeDev wužywał.

Zawodowe pśednastajenja su tak nastajone. Zmóžnjone su slědujuce nastajenja, mjaztym až wšykne druge nastajenja su znjemóžnjone:

1. Wótkłon mjazy wótstawkami a tabelami pśidaś

2. Wótstawkowy a tabelowy wótkłon górjejce na prědnem boku a łamanja boka pśidaś

3. Wótkłon wótstawkow a tabelow na kóńcu tabelowych celow pśidaś

4. Smužki z manuelnymi smužkowymi łamanjami we wusměrjonych wótstawkach wusměriś

5. Wótstawk pólow serijowego lista z proznymi gódnotami schowaś, gaž se serijowe dokumenty generěruju.

6. Tabulatory (↹) relatiwnje k zasunjenjeju wótstawkow nastajiś