Tekstowe kśidno

Pśidawa aktualnej pśedłoze boka tekstowe kśidno. Toś to nastajenje jo za aziske rěcy k dispoziciji.

Pśistup k toś tomu pśikazoju …

Z menijoweje rědki:

Meni Format – Pśedłoga boka… – rejtarik: Tekstowe kśidno.

Z pówjercha z rejtarikami:

Wubjeŕśo Wugótowanje – Pśedłoga boka – rejtarik: Tekstowe kśidno.

Wubjeŕśo w meniju Wugótowanje rejtarika Wugótowanje rejtarik Pśedłoga boka… – Tekstowe kśidno.

Z bocnice:

Wócyńśo wobceŕk Pśedłoga boka, wubjeŕśo pśedłogu boka, pón Wobźěłaś w kontekstowem meniju a pón rejtarik Tekstowe kśidno.

Ze statusoweje rědki:

Klikniśo na wobceŕk pokazaneje pśedłogi boka a wubjeŕśo rejtarik Tekstowe kśidno.

Ze symbolowych rědkow:

Pśedłoga boka

Z tastatury:

+ ⇧ + P, pón rejtarik Tekstowe kśidno

Kśidno

Pśidawa aktualnej pśedłoze boka tekstowe kśidno za smužki abo znamuška abo wótwónoźujo jo.

Žedno kśidno

Wótwónoźujo tekstowe kśidno za linije abo znamuška z aktualneje pśedłogi boka.

Kśidno (jano linije)

Pśidawa linijowe kśidno za aktualnu pśedłogu boka.

Kśidno (linije a znamuška)

Pśidawa linije a znamjenjowe kśidno za aktualnu pśedłogu boka.

K znamuškam pśipěś

Gaž nastajenje Kśidno (linije a znamuška) jo wubrane a nastajenje Kwadratny modus boka za tekstowe kśidno njejo wubrane, pomaga toś ta funkcija pógibowanjeju kursora a tekstowemu wuběrkoju se kšomam znamuškow „pśiměriś“, město togo až se licho mjazy proznymi znamjenjami gibjotej. To jo pśedewšym za rěcy wužytne, kótarychž znamuška maju jadnotnu wjelikosć (na pś. CJK-skripty).

Wugótowanje kśidna

Smužki na bok

Zapódajśo maksimalnu licbu smužkow, kótarež se maju na boku zjawiś.

Znamuška na smužku

Zapódajśo maksimalnu licbu znamuškow, kótarež se maju na smužce zjawiś.

Znamjenjowa šyrokosć

Definěrujo znamjenjowu šyrokosć tekstowego kśidna. Toś to nastajenje jo aktiwne, gaž nastajenje Kwadratny modus boka za tekstowe kśidno njejo wubrane.

Maks. zakładna tekstowa wjelikosć

Zapódajśo maksimalnu zakładnu tekstowu wjelikosć. Cym wětša gódnota jo, śim mjenjej znamuškow jo na smužku.

Maks. wjelikosć teksta Ruby

Zapódajśo pismowu wjelikosć za tekst Ruby.

Tekst Ruby pód zakładnym tekstom resp. nalěwo pódla njogo

Pokazujo tekst Ruby nalěwo pódla zakładnego teksta abo pód nim.

Zwobraznjenje kśidna

Pódawa nastajenja za śišćanje a barwy tekstowego kśidna.