Hyperwótkaze z Nawigatorom zasajźiś

Móžośo prěcnu pokazku z pomocu Nawigatora ako hyperwótkaz do swójogo dokumenta zasajźiś. Móžośo samo prěcne pokazki na zapiski z drugich dokumentow LibreOfficeDev napóraś. Jolic na hyperwótkaz klikaśo, gaž se dokument w LibreOfficeDev wócynja, dostanjośo se k zapiskoju, na kótaryž se prěcna pokazka póśěgujo.

1. Wócyńśo dokument, kótaryž zapiski wopśimujo, kótarež cośo ako prěcny pokaz wužywaś. Dokument A na pśikład hyperwótkaz do dokumenta B dostanjo.

2. Wócyńśo Nawigator z menija Naglěd, standardneje rědki abo bocnice abo tłocćo F5.

3. Wubjeŕśo w lisćinje dołojce w Nawigatorje dokument, kótaryž zapisk wopśimujo, kótaryž cośo ako prěcny pokaz wužywaś. Nawigator objekty z dokumenta prěcnego pokaza pokazujo.

4. Klikniśo w lisćinje Nawigatora na plusowe znamuško pódla zapiska, kótaryž cośo ako hyperwótkaz zasajźiś.

5. Śěgniśo zapisk tam, źož cośo hyperwótkaz w dokumenśe zasajźiś.

6. Gaž objekt na póžedanej poziciji pušćaśo, se kontekstowy meni zjawijo, kótaryž wam zmóžnja, akciju za śěgnjony objekt Nawigatora wubraś. Jolic k dispoziciji, wubjeŕśo Hyperwótkaz.

Mě zapiska se ako pódšmarnjony hyperwótkaz do dokumenta zasajźujo. Gaž zapisk jo nadpismo, se tekst nadpisma ako hyperwótkaz zasajźijo.