Start på nytt i feilfinningsmodus

I feilfinningsmodus startar LibreOfficeDev med ein mellombels brukarprofil og slår av maskinvareakselerasjon. Dette hjelper til med å få LibreOfficeDev til å fungera igjen.

Kva kan eg gjera i feilfinningsmodus?

Når du startar programmet i feilfinningsmodus, kjem det opp eit dialogvindauge med tre ulike val for å gjenoppretta brukarprofilen.

Hald fram i feilfinningsmodus

Dette valet gjer at du kan arbeida med LibreOfficeDev slik du er van med, men med ein førebels brukarprofil. Dette betyr også at alle endringane som vert gjort i brukarprofilen forsvinn når du startar på nytt.

Start på nytt normalt

Vel du Start på nytt normal går LibreOfficeDev ut av feilfinningsmodus og startar %PRODUCTNAM på nytt i normalmodus. Bruk dette valet om du kom hit ved eit uhell.

Bruk endringane og start på nytt

Dialogvindauget tilbyr mange endringar i brukarprofilen som kan vere til hjelp ved gjenoppretting av LibreOfficeDev til det vanlege oppsettet. Dei vert meir ytterleggåande ovanfrå og nedover, så du bør velja dei i den rekkjefølgja. Dette valet vil ta i bruk dei valde endringane.

Gjenopprett frå reservekopiar

LibreOfficeDev lagrar reservekopiar av tidlegare oppsett og aktiverte utvidingar. Bruk dette valet for å velja eit tidlegare brukt oppsett dersom problema ser ut til å ha oppstått etter nylege endringar i oppsettet eller frå nyleg installerte utvidingar.

Set opp

Du kan slå av alle utvidingane som er installerte av brukaren. Du kan også slå av maskinvareakselerasjonar. Slå på dette valet dersom du opplever krasj eller visuelle feil ved oppstart. Desse er ofte relaterte til maskinvareakselerasjonar.

Utvidingar

Av og til kan det hende at LibreOfficeDev ikkje startar fordi det vert blokkert av utvidingar som ikkje verkar som dei skal. Med dette valet kan du slå av alle utvidingane installerte av brukaren og dei som er delte eller leverte saman med programmet. Du bør vere nokså varsam om du slår av delte eller innebygde utvidingar. Dette verkar berre dersom du har dei nødvendige systemrettane.

Gjenopprett til fabrikkinnstillingane

Dersom alt anna feilar, kan du setje brukarprofilen attende til fabrikkinnstillingane. Det første valet Tilbakestill innstillingane og brukartilpassingar tilbakestiller alle brukarinnstillingane og endringar i brukargrensesnittet, men endrar ikkje den private ordlista di, malar og liknande. Det andre valet vil tilbakestilla heile profilen til slik han var då LibreOfficeDev vart installert.