Hyperwotkazy z Nawigatorom zasadźić

Móžeće prěčny pokaz z pomocu Nawigatora jako hyperwotkaz do swojeho dokumenta zasadźić. Móžeće samo prěčne pokazy na zapiski z druhich dokumentow LibreOfficeDev wutworić. Jeli na hyperwotkaz klikaće, hdyž so dokument w LibreOfficeDev wočinja, dóstanjeće so k zapiskej, na kotryž so prěčny pokaz poćahuje.

1. Wočińće dokument, kotryž zapiski wobsahuje, kotrež chceće jako prěčny pokaz wužiwać. Dokument A na přikład hyperwotkaz do dokumenta B dóstanje.

2. Wočińće Nawigator z menija Napohlad, standardneje lajsty abo bóčnicy abo tłóčće F5.

3. Wubjerće w lisćinje deleka w Nawigatorje dokument, kotryž zapisk wobsahuje, kotryž chceće jako prěčny pokaz wužiwać. Nawigator objekty z dokumenta prěčneho pokaza pokazuje.

4. Klikńće w lisćinje Nawigatora na plusowe znamješko pódla zapiska, kotryž chceće jako hyperwotkaz zasadźić.

5. Ćehńće zapisk tam, hdźež chceće hyperwotkaz w dokumenće zasadźić.

6. Hdyž objekt na požadanej poziciji pušćeće, so kontekstowy meni zjewi, kotryž wam zmóžnja, akciju za ćehnjeny objekt Nawigatora wubrać. Jeli k dispoziciji, wubjerće Hyperwotkaz.

Mjeno zapiska so jako podšmórnjeny hyperwotkaz do dokumenta zasadźuje. Hdyž zapisk je nadpismo, so tekst nadpisma jako hyperwotkaz zasadźi.