Z Nawigatorom ćahnyć a pušćić

Nawigator je mócny nastroj za wobdźěłowanje dokumentow a rjadowanje wobsaha, kotryž wobdźěłanje teksta ze swojimi funkcijemi ćehnjenja a pušćenja wosnadnja.

Móžeće zapiski z Nawigatora ćahnyć, zo byšće prěčne pokazy do swojeho teksta zasadźił, hyperwotkazy mjez elementami w dokumenće abo zwonka dokumenta wutworił abo zapiski a jich wobsah kopěrował. Wužiwanje Nawigatora wam pomha, čas zalutować, dokelž so ličba klikow z myšku redukuje a so njetrěbne dialogi wobeńdu.

Nadpisma ćahnyć a pušćić

Zo byšće nadpismo z nawigatora ćahnył, klikńće na nadpismo a ćehńće jo do dokumenta. Slědowace akcije su móžne, ale wotwisuje wot zapiska, kotryž so ćehnje, a wot konteksta.

Akcija	Wopisanje a wuslědki
Hyperwotkaz	Zasadźuje hyperwotkaz do nadpisma. Wobsah, kotryž so pokazuje, je tekst nadpisma.
Wotrězkowy wotkaz	Zasadźuje nadpismo a jeho wobsah jako wotkazany wotrězk. Wotrězk je přećiwo pisanju škitany.
Wotrězkowa kopija	Kopěruje nadpismo a jeho wobsah a zasadźuje to do nješkitaneho wotrězka. Wotkaz mjez žórłom a cilom so njetwori.
Čisło strony (bjez stila) Kapitl Referencowany tekst Horjeka – Deleka Čisło strony (ze stilom) Ličba Ličba (žadyn kontekst) Ličba (połny kontekst)	Prěčny pokaz nadpisma. Samsne nastajenje kaž Zasadźić – Polo – Dalše pola… – Prěčne pokazy, wubjerće Nadpisma w Typ a potom wotpowědnu referencu w Pokaz wužiwać.

Wobrazy, wobłuki, OLE-objekty, rysowanske objekty, wotrězki, zapołožki ćahnyć a pušćić

Hdyž su so z Nawigatora zasadźili, so tute zapiski přez swoju kajkosć Mjeno pokazuja.

Akcija	Wopisanje a wuslědki
Hyperwotkaz	Zasadźuje wobrazej, wobłukej, OLE-objektej, rysowanskemu objektej abo zapołožce hyperwotkaz. Zapisk Mjeno so w dokumenće pokazuje.

Nóžki a kónčne nóžki ćahnyć a pušćić

Nóžki a kónčne nóžki so jako swoje wotpowědne pola prěčnych pokazow pušćeja.

Tabele ćahnyć a pušćić

Tabele dadźa so jako hyperwotkaz, wotrězkowe wotkazy zasadźić abo kopěrować.

Akcija	Wopisanje a wuslědki
Hyperwotkaz	Zasadźuje hyperwotkaz do tabele. Mjeno tabele so w dokumenće pokazuje.
Wotrězkowy wotkaz	Zasadźuje tabelu, kotraž je so w přećiwo pisanju škitanym wotrězku łamała. Tabela so dospołnje pokazuje. Wobsah wotkazaneje tabele so změni, hdyž so wobsah žórłoweje tabele změni.
Wotrězk kopěrować	Zasadźuje kopiju tabele, kotraž je we wotrězku złamana. Tabela so dospołnje kopěruje. Wobsah kopěrowaneje tabele je njewotwisny wot změnow wobsaha žórłoweje tabele.

Nawigator za dokumentowy přehlad

W dokumenće LibreOfficeDev ćahnyć a pušćić