Utskriving med linjene låste til registerlinjene

Lås til registerlinjene er spesielt nyttig i dokument som har to motståande sider (for eksempel i ei bok eller ein brosjyre), for oppsett med fleire kolonnar og for dobbeltsidig utskrift.

Slik slår du på «Lås til registerlinjene» for eit dokument

1. Vel fana Format → Sidestil → Side.

2. I feltet Utformingsinnstillingar merkjer du av for Bruk «Lås til registerlinjene», set Referansestilen og trykkjer OK.

   Referansestilen set opp eit usynleg loddrett (typografisk) rutenett med avstanden som er definert i stilen. Alle sider som har slått på «Lås til registerlinjene» vil bruka denne avstanden og justera den nedre kanten av ei tekstlinje i høve til den neste rutenettlinja, uavhengig av skriftstorleiken eller om det finst grafikk i dokumentet.

   Alle avsnitt som brukar den valde referansestilen (eller arvar referansestilen) vil automatisk bruka «Lås til registerlinjene».

Å fritaka eller aktivera avsnitt som skal skrivast ut med «Lås til registerlinjene»

1. Merk alle avsnitta du vil gjera unntak for og vel Format → Avsnitt → Innrykk og mellomrom.

2. Fjern avkryssinga for Bruk «Slå på linjeavstand på sida» for å gjera unntak for avsnitt. Merk igjen for å ta i bruk «Slå på linjeavstand for sida».

   Avkryssingsfeltet verkar ikkje dersom «Lås til registerlinjene» er slått av i sidestilen.

Å fritaka eller aktivera avsnittstilar for utskriving med «Lås til registerlinjene»

1. Opna stilpanelet (), klikk på avsnittsstilen du vil unnata, høgreklikk på stilen og vel Endra. I dialogvindauget klikkar du på fana Innrykk og avstand.

2. Fjern avkryssinga for Bruk «Slå på linjeavstand på sida» for å gjera unntak for avsnitt. Merk igjen for å ta i bruk «Slå på linjeavstand for sida».

   Avkryssingsfeltet verkar ikkje dersom «Lås til registerlinjene» er slått av i sidestilen