ប្រើក្តារតម្បៀតខ្ទាស់ដើម្បីចម្លងមាតិការបស់ក្រឡាតែមួយ ។ អ្នកក៏អាចចម្លងរូបមន្តមួយពីក្រឡាមួយទៅក្នុងក្តារតម្បៀតខ្ទាស់ (ឧទាហរណ៍ ពីបន្ទាត់បញ្ចូលព័ត៌មានរបស់របាររូបមន្ត) ដូច្នេះរូបមន្តអាចត្រូវបានបញ្ចូលទៅក្នុងអត្ថបទមួយ ។
ដើម្បីចម្លងជួរក្រឡាមួយទៅក្នុងឯកសារអត្ថបទមួយ ជ្រើសជួរក្រឡាក្នុងសន្លឹក ហើយបន្ទាប់មកប្រើក្តារតម្បៀតខ្ទាស់ ឬ អូស និង ទម្លាក់ដើម្បីបញ្ចូលក្រឡាទៅក្នុងឯកសារអត្ថបទ ។ បន្ទាប់អ្នកនឹងឃើញវត្ថុ OLE ក្នុងឯកសារអត្ថបទមួយ ដែលអ្នកអាចកែសម្រួលបន្តទៀតបាន ។
ប្រសិនបើអ្នកអូសក្រឡាទៅទិដ្ឋភាពធម្មតារបស់ឯកសារបង្ហាញមួយ ក្រឡានឹងត្រូវបានបញ្ចូលនៅទីនោះជាវត្ថុ OLE មួយ ។ ប្រសិនបើអ្នកអូសក្រឡាទៅក្នុងទិដ្ឋភាពគ្រោង ក្រឡានីមួយៗនឹងបង្កើតបន្ទាត់របស់ទិដ្ឋភាពគ្រោងមួយ ។
ពេលអ្នកចម្លងជួរក្រឡាមួយពី LibreOfficeDev Calc ទៅក្ដារតម្បៀតខ្ទាស់ វត្ថុគំនូរ វត្ថុ OLE និង គំនូសតាងក្នុងជួរនេះ ក៏ត្រូវបានចម្លងផងដែរ ។
ប្រសិនបើអ្នកបញ្ចូលជួរក្រឡាមួយជាមួយគំនូសតាងដែលបានហ៊ុមព័ទ្ធ គំនូសតាងនឹងរក្សាតំណរបស់វាទៅជួរក្រឡាប្រភពតែក្នុងករណីដែលអ្នកបានចម្លងគំនូសតាង និង ជួរប្រភពរួមគ្នាប៉ុណ្ណោះ ។
