Pjelnjenja barbowych přeběhow wutworić

Pjelnjenje barbowych přeběhow je měšenje dweju rozdźělneju barbow abo wotsćinow samsneje barby krok po kroku, kotrež da so na rysowanski objekt nałožić.

Zo byšće barbowy přeběh nałožił:

1. Wubjerće rysowanski objekt.

2. Wubjerće Format – Płonina… a potom Barbowy přeběh jako pjelnjenski typ w polu Typ.

3. Wubjerće stil barboweho přeběha z lisćiny a klikńće na W porjadku.

Swójske barbowe přeběhi wutworić

Móžeće swójske barbowe přeběhi definować a eksistowace barbowe přeběhi změnić a tež lisćinu barbowych přeběhow składować a začitać.

Zo byšće swójski barbowy přeběh wutworił:

1. Wubjerće Format – Płonina…, klikńće na rajtark Płonina a potom na tłóčatko Barbowy přeběh.

2. Wubjerće barbowy přeběh z lisćiny, zo byšće jón jako bazu za swój nowy barbowy přeběh wužiwał a klikńće na Přidać.

3. Zapodajće mjeno za barbowy přeběh do tekstoweho pola a klikńće na W porjadku.

   Mjeno so na kóncu lisćiny barbowych přeběhow jewi a wuběra so za wobdźěłowanje.

4. Nastajće kajkosće barboweho přeběha a klikńće na Změnić, zo byšće barbowy přeběh składował.

5. Klikńće na W porjadku.

Barbowe přeběhi a transparencu wužiwać

Móžeće kajkosće barboweho přeběha a transparencu rysowanskeho objekta ze swojej myšku přiměrić.

Zo byšće barbowy přeběh rysowanskeho objekta přiměrił:

1. Wubjerće rysowanski objekt z barbowym přeběhom, kotryž chceće změnić.

2. Wubjerće Format – Płonina…, klikńće na rajtark Płonina a potom na tłóčatko Barbowy přeběh.

3. Přiměrće hódnoty za barbowy přeběh po swojich žadanjach a klikńće na W porjadku.