Klikńće dwójce we wulkim wuběranskim polu na požadane znamješko, kotrež so ma do aktualneho dokumenta zasadźić.
W tekstowym zapodawanskim polu (na přikład zapodawanske pola w dialogu Pytać a wuměnić) móžeće Umsch (⇧)+cmd ⌘Strg+S tłóčić, zo byšće dialog wosebite znamješka wočinił.
Na Windows: Zo byšće znamješko z pomocu numeriskeho koda zasadźił, tłóčće tastu Alt a dźeržće ju stłóčenu, mjeztym zo ličby na numeriskej tastaturje zapodawaće. Kod, kotryž so z 0 započina, so jako znamješko Unicode interpretuje; hewak so hódnoty pod 256 w codepage Windows interpretuja.
Tuchwilu su na systemach Unix tři wašnja, z kotrymiž dadźa so pismiki z akcentami direktnje přez tastaturu zapodać.
Solaris: Tastaturu Sun wužiwać. Tłóčće najprjedy tastu Compose (⎄) naprawo pódla prózdneje tasty a zapodajće potom prěni a druhi modifikator.
Linux / NetBSD: „Mortwe“ tasty wužiwać. Tłóčće we woknje xterm najprjedy tastu (´) abo (`). Znamješko njeměło so na wobrazowce zjewić. Tłóčće nětko pismik, na přikład „e“. Tutón „e“ nětko akcent dóstanje, a „é“ abo „è“ nastawa. Jeli nic, přepruwujće w dataji XF86Config, hač XkbdVariant „nodeadkey“ je začitany a wuměńće jón. Móžeće tež wokolinowu wariablu SAL_NO_DEADKEYS stajić, kotraž mortwe tasty znjemóžnja.
Wšě systemy Unix: (Alt Gr) jako přidatna tasta Compose. (Alt Gr) móže w LibreOfficeDev kaž tastu Compose fungować, jeli wokolinowu wariablu SAL_ALTGR_COMPOSE stajeće. Tasta (Alt Gr) dyrbi mode_switch zahibać, tak dyrbi so na přikład xmodmap -e "keysym Alt_R = Mode_switch" stajić. Tłóčće najprjedy (Alt Gr), potom prěni modifikator, potom druhi modifikator. Znamješka so kombinuja, kak so na systemje Solaris w dataji file /usr/openwin/include/X11/Suncompose.h wopisuje.
