LAMBDA-funksjonen lagar eigendefinerte funksjonar, slik at du kan skriva formlar som kan brukast i andre samanhangar med ulike inndata. Funksjonen støttar også avanserte funksjonar som rekursjon og funksjonar av høgare orden.
=LAMBDA(Parameter 1 [; Parameter 2 [; … [; Parameter n]…]; Formel)
Parameter 1: (obligatorisk). Namnet på den første parameteren til funksjonen. Namnet må følja reglane for områdenamn og kan ikkje vera resultatet av ein referanse eller tekstformel. Omfanget av parameternamnet er avgrensa til LAMBDA-funksjonen.
Parameter 2; ...; n: (valfritt). Fleire parameterar for funksjonen. Dei same namnereglane som for Parameter 1 gjeld.
Formel: eit formeluttrykk. Det må vera det siste argumentet i funksjonen.
Som standard viser LAMBDA-funksjonen den greske bokstaven lambda (λ) i cella.
For å gjera det enklare å lesa, vert det tilrådd (men valfritt) å setja eit namn på cella som inneheld LAMBDA-funksjonen.
Opprett LAMBDA-funksjonsuttrykket i den namngjevne cella ovanfor (som standard vil cella visa bokstaven lambda λ).
Bruk den namngjevne cella og send parameterane for LAMBDA-funksjonen.
Tildel namnet MY_MEAN til celle A1.
Skriv inn =LAMBDA(Tal1;Tal2;ROT(Tal1*Tal2)) i celle A1.
Skriv inn =MY_MEAN(2;3) i cella B1.
Celle B1 viser talet 2,44948974278318, kvadratrota av 2 gongar 3.
Viss du ikkje gjev cella som inneheld LAMBDA-funksjonen eit namn, kan du framleis bruka ho ved å skriva inn formelen =A1(2;3) i B1. Dette gjer imidlartid formelen mindre leseleg.
Gjev celle A1 namnet MY_FACTORIAL
Skriv inn =LAMBDA(n;VISS(n>1;n*MY_FAKTORIAL(n-1);1)) i celle A1
Skriv inn =MY_FACTORIAL(5) i celle B1
Celle B1 vil visa 120.
ERUTELATE-funksjonen let deg handsama manglande parameterar i ein LAMBDA-funksjon. For eksempel LAMBDA-funksjonen i celle A1:
=LAMBDA(_n1; _n2; VISS(ERUTELATE(_n2), "Manglar andre parameter"; _n1/_n2))
returnerer "Manglar andre parameter" viss LAMBDA-funksjonen vert kalla opp som =A1(3;). Merk: Det etterfølgjande argumentskiljeteiknet (;) må vera med i funksjonskallet.
COM.MICROSOFT.LAMBDA
