ຟັງຊັນ FORECAST.ETS.SEASONALITY

ສົ່ງຄືນຈຳນວນຕົວຢ່າງໃນຮອບວຽນຕາມທີ່ຄຳນວນໂດຍ Calc ໃນກໍລະນີຂອງຟັງຊັນ FORECAST.ETS ເມື່ອຕົວໂຕ້ແຍ້ງ period_length ເທົ່າກັບ 1.

ການປັບໃຫ້ລຽບແບບເລກກຳລັງ ແມ່ນວິທີການປັບຄ່າຕົວຈິງໃນອະນຸກົມເວລາໃຫ້ລຽບ ເພື່ອພະຍາກອນຄ່າທີ່ອາດຈະເກີດຂຶ້ນໃນອະນາຄົດ.

ການປັບໃຫ້ລຽບແບບເລກກຳລັງສາມຊັ້ນ (Exponential Triple Smoothing - ETS) ແມ່ນຊຸດຂອງອັນກໍຣິທຶມທີ່ປະມວນຜົນທັງແນວໂນ້ມ ແລະ ອິດທິພົນຕາມລະດູການ. ການປັບໃຫ້ລຽບແບບເລກກຳລັງສອງຊັ້ນ (Exponential Double Smoothing - EDS) ແມ່ນອັນກໍຣິທຶມຄືກັບ ETS ແຕ່ບໍ່ມີອິດທິພົນຕາມລະດູການ. EDS ຈະໃຫ້ຜົນການພະຍາກອນແບບເສັ້ນຊື່.

ເບິ່ງ Wikipedia ກ່ຽວກັບອັນກໍຣິທຶມການປັບໃຫ້ລຽບແບບເລກກຳລັງ ສຳລັບຂໍ້ມູນເພີ່ມເຕີມ.

ຜົນລັດອັນດຽວກັນນີ້ຈະຖືກສົ່ງຄືນດ້ວຍຟັງຊັນ FORECAST.ETS.STAT ເມື່ອຕົວໂຕ້ແຍ້ງ stat_type ເທົ່າກັບ 9 (ແລະ period_length ເທົ່າກັບ 1).

ໄວຍາກອນ

FORECAST.ETS.SEASONALITY (values, timeline, [data_completion], [aggregation])

values (ຈຳເປັນ): ອາເຣຕົວເລກ ຫຼື ຊ່ວງ. values ແມ່ນຄ່າໃນອະດີດ ທີ່ທ່ານຕ້ອງການໃຊ້ເພື່ອພະຍາກອນຈຸດຕໍ່ໄປ.

timeline (ຈຳເປັນ): ອາເຣຕົວເລກ ຫຼື ຊ່ວງ. ຊ່ວງເສັ້ນເວລາ (ຄ່າ x) ສຳລັບຄ່າໃນອະດີດ.

ເສັ້ນເວລາບໍ່ຈຳເປັນຕ້ອງຮຽງລຳດັບ, ຟັງຊັນຈະຮຽງລຳດັບໃຫ້ເອງເພື່ອການຄຳນວນ.
ຄ່າໃນເສັ້ນເວລາຕ້ອງມີໄລຍະຫ່າງທີ່ສະໝ່ຳສະເໝີລະຫວ່າງກັນ.
ຖ້າບໍ່ສາມາດລະບຸໄລຍະຫ່າງທີ່ຄົງທີ່ໃນເສັ້ນເວລາທີ່ຮຽງລຳດັບແລ້ວ, ຟັງຊັນຈະສົ່ງຄືນຂໍ້ຜິດພາດ #NUM!
ຖ້າຊ່ວງຂອງເສັ້ນເວລາ ແລະ ຄ່າໃນອະດີດມີຂະໜາດບໍ່ເທົ່າກັນ, ຟັງຊັນຈະສົ່ງຄືນຂໍ້ຜິດພາດ #N/A
ຖ້າເສັ້ນເວລາມີໜ້ອຍກວ່າ 2 ຊ່ວງຂໍ້ມູນ, ຟັງຊັນຈະສົ່ງຄືນຂໍ້ຜິດພາດ #VALUE!

data_completion (ທາງເລືອກ): ຄ່າທາງຕັກກະສາດ TRUE ຫຼື FALSE, ຫຼື ຕົວເລກ 1 ຫຼື 0, ຄ່າເລີ່ມຕົ້ນແມ່ນ 1 (TRUE). ຄ່າ 0 (FALSE) ຈະເພີ່ມຈຸດຂໍ້ມູນທີ່ຂາດຫາຍໄປໂດຍໃຊ້ສູນເປັນຄ່າໃນອະດີດ. ຄ່າ 1 (TRUE) ຈະເພີ່ມຈຸດຂໍ້ມູນທີ່ຂາດຫາຍໄປໂດຍການປະມານຄ່າ (Interpolate) ລະຫວ່າງຈຸດຂໍ້ມູນທີ່ຢູ່ໃກ້ຄຽງ.

ເຖິງແມ່ນວ່າເສັ້ນເວລາຕ້ອງການໄລຍະຫ່າງທີ່ຄົງທີ່ລະຫວ່າງຈຸດຂໍ້ມູນ, ແຕ່ຟັງຊັນຮອງຮັບຈຸດຂໍ້ມູນທີ່ຂາດຫາຍໄປໄດ້ສູງສຸດ 30% ແລະ ຈະເພີ່ມຈຸດຂໍ້ມູນເຫຼົ່ານີ້ໃຫ້ເອງ.

aggregation (ທາງເລືອກ): ຄ່າຕົວເລກຕັ້ງແຕ່ 1 ຫາ 7, ຄ່າເລີ່ມຕົ້ນແມ່ນ 1. ພາຣາມິເຕີການສັງລວມຈະລະບຸວ່າຈະໃຊ້ວິທີໃດເພື່ອສັງລວມຄ່າເວລາທີ່ຊ້ຳກັນ:

ການສັງລວມ	ຟັງຊັນ
1	AVERAGE (ຄ່າສະເລ່ຍ)
2	COUNT (ນັບຈຳນວນ)
3	COUNTA (ນັບຄ່າ)
4	MAX (ຄ່າສູງສຸດ)
5	MEDIAN (ຄ່າກາງ)
6	MIN (ຄ່າຕ່ຳສຸດ)
7	SUM (ຜົນລວມ)

ເຖິງແມ່ນວ່າເສັ້ນເວລາຕ້ອງການໄລຍະຫ່າງທີ່ຄົງທີ່ລະຫວ່າງຈຸດຂໍ້ມູນ, ແຕ່ຟັງຊັນຈະສັງລວມຫຼາຍຈຸດທີ່ມີປະທັບຕາເວລາ (Timestamp) ດຽວກັນໃຫ້ເອງ.

ຕົວຢ່າງ

ຕາຕະລາງລຸ່ມນີ້ປະກອບດ້ວຍເສັ້ນເວລາ ແລະ ຄ່າທີ່ກ່ຽວຂ້ອງ:

1	ເສັ້ນເວລາ	ຄ່າ
	A	B
2	01/2013	112
3	02/2013	118
4	03/2013	132
5	04/2013	100
6	05/2013	121
7	06/2013	135
8	07/2013	148
9	08/2013	148
10	09/2013	136
11	10/2013	119
12	11/2013	104
13	12/2013	118

=FORECAST.ETS.SEASONALITY(Values;Timeline;TRUE();1)

ສົ່ງຄືນຄ່າ 6, ເຊິ່ງແມ່ນຈຳນວນຕົວຢ່າງໃນຮອບວຽນໂດຍອີງຕາມຊ່ວງທີ່ຕັ້ງຊື່ໄວ້ Values ແລະ Timeline ຂ້າງເທິງ, ບໍ່ມີຂໍ້ມູນທີ່ຂາດຫາຍ, ແລະ ໃຊ້ AVERAGE ເປັນການລວບລວມຂໍ້ມູນ.

ຂໍ້ມູນທາງເຕັກນິກ

ຟັງຊັນນີ້ມີໃຫ້ໃຊ້ຕັ້ງແຕ່ LibreOfficeDev 5.2.

This function is NOT part of the Open Document Format for Office Applications (OpenDocument) Version 1.4. Part 4: Recalculated Formula (OpenFormula) Format standard. The name space is

COM.MICROSOFT.FORECAST.ETS.SEASONALITY

ໜ້າວິິກິ FORECAST.ETS.SEASONALITY.

ເບິ່ງຕື່ມ: FORECAST.ETS.ADD, FORECAST.ETS.MULT, FORECAST.ETS.STAT.ADD, FORECAST.ETS.STAT.MULT, FORECAST.ETS.PI.ADD, FORECAST.ETS.PI.MULT, FORECAST, FORECAST.LINEAR