Znamuška nalicenja a numerěrowanje wótstawkow se jano we Writer, Impress a Draw pódpěraju.
Za aktualny wótstawk abo wubrane wótstawki móžośo awtomatiske numerěrowanje abo nalicenje znjemóžniś. Klikniśo na symbol Žedna lisćina w symbolowaj rědce Formatěrowanje. Zasunjenje lisćiny se teke wótwónoźijo.
Symbol za Žedna lisćina
Jolic kursor jo w numerěrowanju abo nalicenju, móžośo automatiske numerěrowanja abo nalicenja za aktualny wótstawk abo wubrane wótstawki znjemóžniś, gaž na symbol Njerědowanu lisćinu pśešaltowaś w symbolowej rědce Tekstowe formatěrowanje klikaśo.
Symbol za Njerědowanu lisćinu pśešaltowaś
Licbu abo znamuško z wótstawka wótwónoźeś, mjaztym až se zasunjenje lisćiny wobchowajo:
Stajśo kursor na zachopjeńk wótstawka w lisćinje a tłocćo slědkstajeńsku tastu.
Numerěrowanje wótstawka se zgubijo a se ze slěda numerěrowanja wótwónoźijo. Numerěrowanje se w slědujucem wótstawku pókšacujo.
Tłocćo Umsch (⇧)+slědkstajeńska tasta (←, ⌫) na zachopjeńku lisćinowego wótstawka, aby numer abo znamuško nalicenja wótnowił.
Tłocćo tastu Enter w proznem numerěrowanem wótstawku, aby numerěrowanje skóńcył.
