Połnjenja barwowych pśeběgow napóraś

Połnjenje barwowych pśeběgow jo měšanje dweju rozdźělneju barwowu abo wósenjenjowu samskeje barwy kšac pó kšacu, kótarež dajo se na kreslański objekt nałožyś.

Aby barwowy pśeběg nałožył:

1. Wubjeŕśo kreslański objekt.

2. Wubjeŕśo Format – Płonina… a pón Barwowy pśeběg ako połnjeński typ w pólu Typ.

3. Wubjeŕśo stil barwowego pśeběga z lisćiny a klikniśo na W pórěźe.

Swójske barwowe pśeběgi napóraś

Móžośo swójske barwowe pśeběgi definěrowaś a eksistěrujuce barwowe pśeběgi změniś a teke lisćinu barwowych pśeběgow składowaś a zacytaś.

Aby swójski barwowy pśeběg napórał:

1. Wubjeŕśo Format – Płonina…, klikniśo na rejtarik Płonina a pón na tłocašk Barwowy pśeběg.

2. Wubjeŕśo barwowy pśeběg z lisćiny, aby jen ako bazu za swój nowy barwowy pśeběg wužywał a klikniśo na Pśidaś.

3. Zapódajśo mě za barwowy pśeběg do tekstowego póla a klikniśo na W pórěźe.

   Mě se na kóńcu lisćiny barwowych pśeběgow pokazujo a wuběra se za wobźěłanje.

4. Nastajśo kakosći barwowego pśeběga a klikniśo na Změniś, aby barwowy pśeběg składował.

5. Klikniśo na W pórěźe

Barwowe pśeběgi a transparencu wužywaś

Móžośo kakosći barwowego pśeběga a transparencu kreslańskego objekta ze swójeju myšku pśiměriś.

Aby barwowy pśeběg kreslańskego objekta pśiměrił:

1. Wubjeŕśo kreslański objekt z barwowym pśeběgom, kótaryž cośo změniś.

2. Wubjeŕśo Format – Płonina…, klikniśo na rejtarik Płonina a pón na tłocašk Barwowy pśeběg.

3. Pśiměŕśo gódnoty za barwowy pśeběg pó swójich pominanjach a klikniśo na W pórěźe.