Pólo pśidaś

Wócynja wokno, źož móžośo pólo datoweje banki wubraś, aby jo formularoju abo rozpšawje pśidał.

Wokno pólnego wuběrka wšykne póla datoweje banki tabele abo wótpšašowanja nalicyjo, kótarejž su w formularowych kakosćach ako datowe žrědło pódanej.

Ześěgniśo a pušććo, aby pólo do aktualnego dokumenta zasajźił. Pólo se pón zasajźijo, kótarež zwězanje z datoweju banku wopśimujo.

Jolic formularoju póla pśidawaśo a nacerjeński modus znjemóžnjaśo, móžośo wiźeś, až LibreOfficeDev zapódawańske pólo z pópisanim za kužde zasajźone pólo datoweje banki pśidawa.