Wužywajśo mjazywótkład, aby wopśimjeśe jadnotliweje cele kopěrował. Móžośo teke formulu z cele do mjazywótkłada kopěrowaś (na pśikład ze zapódawańskeje smužki formuloweje rědki), aby formulu do teksta zasajźił.
Aby celowy wobceŕk do tekstowego dokumenta kopěrował, wubjeŕśo celowy wobceŕk w tabeli a wužywajśo pón pak mjazywótkład pak śěgnjenje a pušćenje, aby cele do tekstowego dokumenta zasajźił. Namakajośo pón OLE-objekt w tekstowem dokumenśe, kótaryž móžośo pón pózdźej wobźěłaś.
Jolic cele do normalnego naglěda prezentaciskego dokumenta śěgaśo, se cele tam ako OLE-objekt zasajźuju. Jolic cele do rozrědowańskego naglěda śěgaśo, buźo kužda cela smužku rozrědowańskego naglěda twóriś.
Gaž celowy wobceŕk z LibreOfficeDev Calc do mjazywótkłada kopěrujośo, se kresleńske objekty, OLE-objekty a diagramy w toś tom wobceŕku teke kopěruju.
Jolic celowy wobceŕk zasajźujośo, kótaryž diagram wopśimujo, wobchowajo diagram swójo zwězanje ze žrědłowym celowym wobceŕkom, jolic sćo gromaźe kopěrował diagram a žrědłowy celowy wobceŕk.