Rěd rozpšawy wowalenja
Rěd rozpšawy wowalenja se awtomatiski startujo, gaž se programowe wowalenje stawa.
Rěd rozpšawy wowalenja trjebne informacije gromaźi, kótarež mógu programowym wuwijarjam pomagaś, kod pólěpšowaś, aby se toś teje zmólki w póznjejšych wersijach wobinuł. Pšosym pomagajśo nam, software pólěpšowaś a sćelśo generěrowanu rozpšawu wowalenja.
Rěd rozpšawy wowalenja startowaś
Pśi nejwěcej programowych wowalenjach se rěd rozprawy wowalenja awtomatiski startujo.
Rozpšawu wowalenja pósłaś
Wubjeŕśo kontrolny kašćik, jolic cośo LibreOfficeDev w modusu za rozwězowanje problemow znowego startowaś. Klikniśo pón na tłocašk .
Jolic jo se rozpšawa wuspěšnje pósłała, dialogowe pólo URL za wašu rozpšawu pódajo. Aby rozpšawu wiźeł, kopěrujśo URL a zasajźćo jen do wobglědowaka.
Njedostanjośo wótegrono za wašu rozpěawu wowalenja. Jolic pódpěru trjebaśo, woglědajśo se pšosym k bokoju Pomoc zgromaźeństwa za pśeglěd wó wšakich móžnosćach.
Kótare daty se sćelu?
Rozpšawa wowalenja informacije wó typje zmólki sćelo, kótaryž wowalenje zawinował a wó wopśimjeśu procesowego składa za cas wowalenja. Wopśimjeśe składa wopśimujo: lisćinu zacytanych bibliotekow a jich wersijowy numer; lisćinu aktualnych nitkow z wopśimjeśim jich štaplowego składa a stawy procesorowego registra. Składowa slěd se lokalnje pśez standardne systemowe rědy gromaźi: dbghelp.dll na systemach Windows; clone(), ptrace() a zapis /proc na systemach Linux.
Sćelu se teke informacije wó wersiji LibreOfficeDev, wó mjenju a wersiji źěłowego systema a wó typje kompjuteroweje hardware (typ a funkcije CPU; cełkowna wjelikosć składa RAM; grafikowy rěd a gónjak).
Rozpšawa wowalenja jo anonymna. Njesćelu se informacije a wopśimjeśe dokumenta. Rozpšawniske daty se ako napšašowanje multipart HTTP POST sćelu. Glejśo teke Datenschutzerklärung - Abschnitt I.XI (nimski).
Póbitowarje ako Ubuntu abo Apple swójski rěd rozpšawy wowalenja do swójeje wersije LibreOfficeDev pakuju. Njesćelu se daty na załožbu Document Foundation.