Wužiwajće mjezyskład, zo byšće wobsah jednotliweje cele kopěrował. Móžeće tež formlu z cele do mjezyskłada kopěrować (na přikład ze zapodawanskeje linki formloweje lajsty), zo byšće formlu do teksta zasadźił.
Zo byšće celowy wobłuk do tekstoweho dokumenta kopěrował, wubjerće celowy wobłuk w tabeli a wužiwajće potom pak mjezyskład pak ćehnjenje a pušćenje, zo byšće cele do tekstoweho dokumenta zasadźił. Namakaće potom OLE-objekt w tekstowym dokumenće, kotryž móžeće potom pozdźišo wobdźěłać.
Jeli cele do normalneho napohlada prezentaciskeho dokumenta ćahaće, so cele tam jako OLE-objekt zasadźuja. Jeli cele do rozrjadowanskeho napohlada ćahaće, budźe kóžda cela linku rozrjadowanskeho napohlada tworić.
Hdyž celowy wobłuk z LibreOfficeDev Calc do mjezyskłada kopěrujeće, so rysowanske objekty, OLE-objekty a diagramy znutřka tutoho wobłuka tež kopěruja.
Jeli celowy wobłuk zasadźujeće, kotryž diagram wobsahuje, wobchowa diagram swoje zwjazanje ze žórłowym celowym wobłukom, jeli sće diagram a žórłowy celowy wobłuk hromadźe kopěrował.