Dokumentowu rěč wubrać

Rěč, kotruž za swój dokument wuběraće, słownik postaja, kotryž so za prawopisnu kontrolu, tezawrus a dźělenje złóžkow wužiwa, decimalne a tysacowkowe dźělatko a standardny měnowy format.

• Wubrana rěč so na cyły dokument nałožuje.

• W dokumenće móžeće kóždej wotstawkowej předłoze rozdźělnu rěč připokazać. Tuta rěč ma prioritu před rěču cyłeho dokumenta.

• Móžeće wubranym dźělam teksta we wotstawku rěč připokazać, pak z direktnym formatěrowanjom pak ze znamješkowej předłohu. Připokazanje ma prioritu před wotstawkowej předłohu a dokumentowej rěču.

Rěč za cyły dokument wubrać

1. Wubjerće . Dźiće k Rěče a narodne šemy – Powšitkowne.

2. Wubjerće pod Standardne rěče za dokumenty dokumentowu rěč za wšě nowo wutworjene dokumenty. Jeli kontrolny kašćik Jenož za aktualny dokument markěrujeće, so waš wuběr jenož aktualny dokument nałožuje. Začińće dialog z W porjadku.

Rěč za wotstawkowu předłohu wubrać

1. Stajće kursor do wotstawka, kotrehož wotstawkowu předłohu chceće wobdźěłać.

2. Wočińće kontekstowy meni a wubjerće Wotstawkowu předłohu wobdźěłać. To dialog Wotstawkowa předłoha wočini.

3. Wubjerće rajtark Pismo.

4. Wubjerće Rěč a klikńće na W porjadku.

   Wšě wotstawki, kotrež su z aktualnej wotstawkowej předłohu sformatěrowane, maja nětko wubranu rěč.

Rěč direktnje na wubrany tekst nałožić

1. Wubjerće tekst, na kotryž chceće rěč nałožić.

2. Wubjerće Format – Znamješko…. To dialog Znamješko wočini.

3. Wubjerće rajtark Pismo.

4. Wubjerće Rěč a klikńće na W porjadku.

Wubjerće w LibreOfficeDev Calc Format – Cele… a postupujće wotpowědnje.

Rěč za znamješkowu předłohu wubrać

1. Open the Styles deck and click on the Character Styles icon.

2. Klikńće na mjeno znamješkoweje předłohi, na kotruž chceće druhu rěč nałožić.

3. Klikńće z prawej tastu, zo byšće kontekstowy meni wočinił a wubjerće Předłohu wobdźěłać…, zo byšće dialog Znamješkowa předłoha wočinił.

4. Wubjerće rajtark Pismo.

5. Wubjerće Rěč a klikńće na W porjadku.

   Nětko móžeće znamješkowu předłohu na swój wubrany tekst nałožić.

Dalše tekstowe rěče přidać

1. Słowniki so jako rozšěrjenja k dispoziciji stajeja a instaluja. Wubjerće Nastroje – Rěč – Dalše słowniki online…, zo byšće stronu słownikow w swojim standardnym wobhladowaku wočinił.

2. Wubjerće słownik w lisćinje wopisanjow. Klikńće na nadpismo w słowniku we wopisanju słownika, kotryž chceće dóstać.

3. Klikńće w přichodnej stronje na symbol Instalować, zo byšće słownikowe rozšěrjenje sćahnył. Notěrujće mjeno rjadowaka, do kotrehož waš wobhladowak dataju sćahuje. Sćehńće přidatne słowniki, jeli chceće.

4. Wubjerće w LibreOfficeDev Nastroje – Rozšěrjenja… a klikńće potom na Přidać, zo byšće sćehnjene rozšěrjenja instalował.

5. Po tym zo sće rozšěrjenja instalował, wy dyrbjał LibreOfficeDev (tež spěšny startowak) začinić a znowa startować.

Rěč wužiwarskeho powjercha nastajić

Standardna instalacija softwary LibreOfficeDev wam wužiwarski powjerch (jendźelsce: user interface, skrótka: UI) wot was wubraneje rěče k dispoziciji staja.

Najwjace wužiwarjow wersiju w ameriskej jendźelšćinje sćahuje, kotraž wam jendźelske menijowe přikazy a jendźelsku pomoc skići. Jeli chceće druhu rěč za menije (a za pomoc, jeli w tej rěči k dispoziciji), změńće rěč wužiwarskeho powjercha takle:

1. Wubjerće – Rěče a narodne šemy – Powšitkowne.

2. Wubjerće druhu rěč za wužiwarski powjerch w lisćinowym polu „Wužiwarski powjerch:“.

3. Klikńće na W porjadku a startujće LibreOfficeDev znowa.

4. Jeli lisćinowe polo požadanu rěč njenalistuje, čitajće prošu „Dalše rěče za wužiwarski powjerch přidać“.

Dalše rěče za wužiwarski powjerch přidać