Ayuda de LibreOfficeDev 24.2
LibreOfficeDev Calc guarda toles fueyes d'un documentu de Calc nun únicu documentu HTML. Al principiu de dichu documentu amiéstense automáticamente una testera y una llista de hiperenllaces a caúna de les fueyes individuales del documentu.
Los númberos vense como s'escriben. Amás, na etiqueta HTML <SDVAL> escribese'l valor internu exactu del númberu, de mou que dempués d'abrir el documentu HTML con LibreOfficeDev sabe que tien los valores exactos.
Pa guardar el documentu actual de Calc como documentu HTML, active Ficheru - Guardar como.
Nel cuadru de llista Tipu de ficheru, nel área con otros filtros de Calc LibreOfficeDev, escueya'l tipu de ficheru "Documentu HTML (LibreOfficeDev Calc)".
Escriba un Nome de ficheru y calque en Guardar.
LibreOfficeDev inclúi dellos filtros p'abrir ficheru HTML, que puen escoyese en Ficheru - Abrir nel cuadru de llista Ficheros de tipu:
Escueya'l tipu de ficheru "Documentu HTML (LibreOfficeDev Calc)" p'abrir en LibreOfficeDev Calc.
Toles opciones de LibreOfficeDev Calc tán disponibles. Sicasí, non toles opciones d'edición de LibreOfficeDev Calc puen guardase en formatu HTML.