Formularowy asistent
Aktiwizuje asistent za wutworjenje formularow.
Klikńće na Asistent za wutworjenje formulara wužiwać... we woknje datoweje banki.
Wubjerće formularowe kajkosće z pomocu slědowacych krokow:
Na tutej stronje formularoweho asistenta móžeće tabelu abo wotprašowanje podać, kotrejž trjebaće, zo byšće formular kaž tež pola wutworił, kotrež formular ma wobsahować.
Podajće, hač chceće podformular wužiwać a zapodajće kajkosće podformulara. Podformular je formular, kotryž so w druhim formularje zasadźuje.
Podajće tabelu abo wotprašowanje, kotrež trjebaće, zo byšće podformular wutworił a kotre pola ma podformular wobsahować.
Jeli w kroku 2 rozsudźeće, podformular wutworić, kotryž na manuelnym wuběrje polow bazuje, móžeće zwjazane pola na tutej stronje asistenta wubrać.
Na tutej stronje asistenta móžeće wuhotowanje wutworjeneho formulara wubrać.
Podawa modus za wobchadźenje z datami za nowy formular.
Podawa formularowu předłohu.
Podawa mjeno formulara a kak dale dźe.
Wróćo
Wobhladajće sej wuběry w dialogu, kotrež su so w předchadnym kroku přewjedli. Aktualne nastajenja njezměnjene wostanu. Tute tłóčatko da so jenož wot druheje strony sem aktiwizować.
Dale
Klikńće na tłóčatko Dale a asistent aktualne dialogowe nastajenja wužiwa a k přichodnemu krokej postupuje. Jeli sće posledni krok docpěł, tute tłóčatko Wutworić rěka.
Klikńće, zo byšće formular wutworił, bjeztoho zo byšće na dalše strony wotmołwił.
Přetorhnyć
Hdyž na Přetorhnyć klikaće, so dialog začinja, bjeztoho zo bychu so změny składowali.