Arrastrar e soltar co Navegador

O Navegador e unha ferramenta potente para editar documentos e xestionar o codntido, facendo que a edición de texto sexa doada coas súas funcionalidades de arrastrar e soltar.

Pode arrastrar elementos desde o Navegador para inserir rapidamente referencias cruzadas no texto, crear hiperligazóns entre elementos de dentro ou fóra do documento ou copiar elementos e o seu contido. Empregar o Navegador axuda a aforrar tempo reducindo o número de clics do rato e evitando caixas de diálogo innecesarias.

Arrastrar e soltar títulos

Para arrastrar un título no navegador, prema no título e arrástreo para o documento. Dependendo do elemento que se arrastre e do contexto, as accións posíbeis son as seguintes:

Acción	Descrición e resultados
Hiperligazón	Insire unha hiperligazón ao título. O contido que se mostra é o texto do título.
Ligazón de sección	Insire o título e todo o seu contido como sección vinculada. A sección fica protexida contra a escrita.
Copia de sección	Copia o título e todo o seu contido e pégao nunha sección desprotexida. Non se crea ningunha ligazón entre a fonte e o destino.
Número de páxina (sen formato) Capítuloo Texto referenciado Arriba - Abaixo Número de páxina (con formato) Número Número (sen contexto) Número (contexto completo)	A referencia cruzada do título. O mesmo que Inserir - Campos - Máis campos - Referencias cruzadas; seleccione Títulos en Tipos e escolla como se mostra a referencia respectiva en Referenciar empregando.

Arrastrar e soltar imaxes, marcos, obxectos OLE, obxectos de debuxo, seccións e marcadores

Ao inserilos desde o navegador, estes elementos móstranse pola súa propiedade Nome.

Acción	Descrición e resultados
Hiperligazón	Insire unha hiperligazón á imaxe, marco, obxecto OLE, obxecto de debuxo, sección ou marcador correspondente. No documento móstrase o elemento Nome.

Arrastrar e soltar notas a rodapé e notas finais

As notas a rodapé e as notas finais sóltanse igual que os seus campos de referencia cruzada respectivos.

Arrastrar e soltar táboas

As táboas pódense inserir como hiperligazóns, ligazóns a seccións ou pódense copiar.

Acción	Descrición e resultados
Hiperligazón	Insire unha hiperligazón á táboa. No documento móstrase o nome da táboa.
Ligazón de sección	Insire a táboa arrodeada nunha sección protexida contra a escrita. A táboa aparece enteira. O contido da táboa vinculada cambia segudno cambie o contido da táboa fonte.
Copia de sección	Insire unha copia da táboa arrodeada nunha sección. A táboa cópiase integramente. O contido da táboa copiada é indeependente dos cambios de contido da táboa orixinal.

Navegador para a visión xeral de documento

Arrastrar e soltar en documentos de LibreOffice