LibreOffice 7.6 laguntza
Hautatutako gelaxken edukiak gelaxka bakarrean konbinatzen ditu, hautapeneko lehen gelaxkaren formatua erabiliz.
Hautatu batuko diren gelaxkak, eta ondoren egin honako ekintzetako bat:
Formatua tresna-barran, sakatu:
Edo egin eskuineko klik hautapenean laster-menua irekitzeko eta aukeratu Batu gelaxkak. Bereizi gelaxkak ageri bada, orduan hautapenak batutako gelaxkak ditu eta ezin da gehiago batu.
Edo, Propietateak alboko barran, markatu Batu gelaxkak kontrol-laukia.
Edo aukeratu Formatua - Batu eta bereizi gelaxkak - Batu gelaxkak.
Gelaxkak ezin dira batu aurretik bereizten ez badira.
Lehendik partzialki batutako gelaxkak dituen gelaxka-hautapen bat batu daiteke, lehenengo Bereizi gelaxkak eta ondoren Batu gelaxkak erabiltzen bada, hasierako hautapena ukitu gabe. Hortik lortuko den emaitza, behean deskribatutako 'Batu gelaxkak' elkarrizketa-koadoaren aukeraren bidez aurretik gelaxkak batu diren moduaren araberakoa izango da.
Ez da onartzen hautapen anitzik, alegia, hautapenak laukizuzena izan behar du.
Batutako gelaxkak hautapenaren lehen gelaxkaren izena eta edukiak jasoko ditu.
Batuko den gelaxketako batek baino gehiagok badu edukia, Batu gelaxkak elkarrizketa-koadroa irekiko da.
Hiru aukera daude:
Eraman ezkutuko gelaxken edukiak lehen gelaxkara: ezkutuko gelaxken edukiak lehen gelaxkan kateatuko dira, eta ezkutuko gelaxkak hustu egingo dira; ezkutuko gelaxkei edo lehen gelaxkari erreferentzia egiten dieten formulen emaitzak eguneratu egingo dira.
Mantendu edukia ezkutuko gelaxketan: ezkutuko gelaxken edukiak mantendu egingo dira; ezkutuko gelaxkei erreferentzia egiten dieten formulen emaitzak ez dira aldatuko.
Hustu ezkutuko gelaxken edukia: ezkutuko gelaxken edukiak kendu egingo dira; ezkutuko gelaxkei erreferentzia egiten dieten formulen emaitzak eguneratu egingo dira.