Agordi la formatadon kaj la tiparon kiujn vi volas apliki.
La ŝanĝoj aplikiĝas al la aktuala elekto, al la tuta vorto kiu enhavas la kursoron, aŭ al la nova teksto kiun vi tajpas.
Depende de viaj lingvaj agordoj, vi povas ŝanĝi la formatadon por la sekvaj tipoj de tiparoj:
-
Tiparo por okcidenta teksto – Latinaj signaroj.
-
Tiparo por azia teksto – Ĉina, japana aŭ korea signaroj
-
Tiparo por kompleksa tekstaranĝo – Teksta direkto maldekstren
Por ŝalti subtenon de kompleksa tekstaranĝo kaj aziaj signaroj, elektu - Lingvoj kaj lokaĵaroj - Ĝenerale, kaj sekve marku la markobutonon apud la dezirata subteno.
Tipara nomo
Enigu la nomon de instalita tiparo kiun vi volas uzi, aŭ elektu tiparon el la listo.
Tipara fasono
Elektu la formatadon kiun vi volas apliki.
Tipara grando
Enigu aŭ elektu la tiparan grandon kiun vi volas apliki. Por skaleblaj tiparoj, vi povas ankaŭ enigi dekumajn valorojn.
Se vi kreas stilon kiu baziĝas sur alia stilo, vi povas enigi elcentan valoron aŭ punktan valoron (ekzemple, -2pt aŭ +5pt).
Lingvo
Agordas la lingvon kiun la literumilo uzu por la elektita teksto aŭ la teksto kiun vi tajpas. Disponeblaj lingvaj moduloj havas kontrolmarkon antaŭ si.
Se la lingva listo konsistas el redaktebla fallisto, vi povas enigi validan lingvan etikedon de BCP 47 se la lingvo kiun vi volas asigni ne estas disponebla en la listo de elektoj.
Por detaloj pri lingvaj etikedoj, bonvolu rigardi la paĝon ĉe Vikipedio pri lingvaj etikedoj de IETF kaj la artikolon de W3C pri lingvaj etikedoj en HTML kaj XML.
Vi povas ankaŭ ŝanĝi la lokaĵon por ĉeloj (elektu Formato - Ĉeloj - Numeroj).
La literumkontrolo por la elektita lingvo funkcias nur se la rilata lingva modulo estas instalita. Kontrolmarko aperas antaŭ la nomo de lingvo en la listo se literumkontrolo estas aktivigita por tiu lingvo.
