Pomoc za LibreOffice 7.5
Slědujuce menijowe pśikaze su za tabelowe dokumenty k dispoziciji.
Wokno, kótarež dokument wopśimujo, kótaryž cośo wobźěłaś, musy se wubraś, aby se menijowe pśikaze wužywali. Rowno tak musyśo objekt w dokumenśe wubraś, aby menijowe pśikaze wužywał, kótarež su z objektom zwězane.
Menije su wót konteksta wótwisne. To wóznamjenijo, až te menijowe zapiski su k dispoziciji, kótarež su za aktualne źěło relewantne. Jolic kursor jo w teksće, su wšykne menijowe zapiski k dispoziciji, kótarež su za wobźěłowanje trjebne. Jolic sćo wubrał grafiku w dokumenśe, wiźiśo wšykne menijowe zapiski, kótarež móžośo wužywaś, aby grafiki wobźěłał.
Toś te pśikaze za aktualny dokument płaśe, napóraju dokument, wócynjaju ekistěrujucy dokument abo zacynjaju nałoženje.
Toś ten meni pśikaze wopśimujo, kótarež pokazanje dokumenta na wobrazowce wóźe, wužywaŕski pówjerch změnjaju a maju pśistup k wobceŕkam bocnice.
Meni Zasajźiś pśikaze za zasajźowanje nowych elementow do aktualneje tabele wopśimujo, na pśikład wobraze, tekstowe póla, objekty, medije, celowe mjenja a wjele wěcej.
Meni Format pśikaze za formatěrowanje wubranych celow, objektow a celowego wopśimjeśa we wašom dokumenśe wopśimujo.
Wužywajśo pśikaze menija Daty, aby daty w aktualnej tabeli wobźěłował. Móžośo wobceŕki definěrowaś, daty sortěrowaś a filtrowaś, wuslědki wulicyś, daty rozrědowaś a pivotowu tabelu napóraś.
Meni Rědy pśikaze za pšawopisnu kontrolu, za slědowanje tabelowych referencow, za namakanje zmólkow a za definěrowanje scenarijow wopśimujo.