HTML-eksport – bok 2

Póstaja typ wózjawjenja.

Móžośo pódaś, jolic cośo wobłuki zapśimjeś, titel napóraś abo prezentaciske notice pokazaś.

Pśistup k toś tomu pśikazoju …

Wubjeŕśo w LibreOffice Draw abo LibreOffice Impress Dataja – Eksportěrowaś… datajowy typ HTML, bok 2 asistenta.


Typ wózjawjenja

Definěrujo zakładne nastajenja za póžedany eksport.

Standardny HTML-format

Napórajo boki standardnego HTML z eksportowych bokow.

Standardny HTML z frameami

Napórajo standardne HTML-boki z frameami. Eksportěrowany bok se w głownem frame placěrujo, a frame nalěwo zapis wopśimjeśa we formje hyperwótkazow pokazujo.

Titelowy bok napóraś

Napórajo titelowy bok za waš dokument.

Pódawa, až waše notice se teke pokazuju.

Awtomatiski

Napórajo standardnu HTML-prezentaciju ako kioskowy eksport, w kótaremž se folije pó pódanem casu awtomatiski póstupuju.

Kaž w dokumenśe pódany

Folijowy pśechad wót casa wótwisujo, kótaryž sćo nastajił za kuždu foliju w prezentaciji. Jolic sćo nastajił manuelny pśechad boka, HTML-prezentacije nowy bok pokazujo, gaž někaku tastu na swójej tastaturje tłocyśo.

Awtomatiski

Pśechad boka se pó wěstem zajźonem casu awtomatiski stawa a njewótwisujo wót wopśimjeśa prezentacije.

Stojny cas folije

Definěrujo, kak dłujko se kužda folija pokazujo.

Bźezkóńcny

Startujo HTML-prezentaciju awtomatiski znowego, za tym až jo se slědna folija pokazała.

WebCast

W eksporśe WebCast se awtomatiske skripty z Perl- abo ASP-pódpěru generěruju. To powědarjeju zmóžnja (na pśikład w telefonowej konferency z pomocu prezentacije w interneśe), folije we webwobglědowakach publikuma změniś. Za dalšne informacije glejśo WebCast dalej dołojce w toś tom wótrězku.

Active Server Pages (ASP)

Gaž móžnosć ASP wuběraśo, eksport WebCast ASP-boki napórajo. Źiwajśo na to, až HTML-prezentacija dajo se jano pśez serwer póbitowaś, kótaryž ASP pódpěra.

Perl

Wužywa se pśez WebCast, aby HTML-strony a Perl-skripty napórał.

URL za pśisłucharjow

Pódawa URL (absolutny abo relatiwny), kótaryž se ma pśez pśiglědowarja zapódaś, aby prezentaciju wiźeł.

URL za prezentaciju

Pódawa URL (absolutny abo relatiwny), źož jo se składła napórana HTML-prezentacija na webserwerje.

URL za Perl-skripty

Pódawa URL (absolutny abo relatiwny) za generěrowane Perl-skripty.

Dalšne informacije wó eksporśe WebCast

Dajo dwě móžnosći za eksportěrowanje prezentacijow LibreOffice Impress z technologiju WebCast: Active Server Pages (ASP) a Perl.

Warnowański symbol

We wobyma padoma WebCast HTTP-serwer z pódpěru Perl abo ASP ako skriptowu rěc trjeba. Togodla eksportěrowańska móžnosć wót HTTP-serwera wótwisujo, kótaryž se wužywa.


WebCast z ASP

Eksport

Njewužywajśo samski zapis za dwa rozdźělnej HTML-eksporta.

ASP WebCast wužywaś

Móžośo WebCast wužywaś, gaž pśez HTTP-serwer pśistup k eksportěrowanym datajam maśo.

Pśikład:

Wuchadajmy z togo, až sćo isntalěrował Microsoft Internet Information Server na swójom licadle. Sćo zapódał zapis „c:\Inet\wwwroot\prezentacija“ ako zapis za HTML-wudaśe za IIS-konfiguraciju. URL wašogo licadła ma „http://mójserwer.com“ byś.

Publikum móžo se něnto foliju woglědaś, kótaruž pśednosowaŕ jo wubrał psez http://mójserwer.com/prezentacija/webcast.asp. Druge folije toś togo URL njedaju se wubraś, snaźkuli datajowe mjenja su znate. Pšosym zawěsććo, až HTTP-serwer lisćinu zapisow njepokazujo.

WebCast z Perl

Eksport

Perl WebCast wužywaś

Dataje, kótarež su se napórali w běgu eksporta, muse se něnto na HTTP-serwerje konfigurěrowaś, za kótaryž jo Perl zmóžnjony. To njedajo se wjele rozdźělnych HTTP-serwerow dla, kótarež Perl pódpěraju, awtomatiski anulěrowaś. Kšace, kótarež musyśo wuwjasć, se dołojce wopisuju. Pšosym cytajśo swóju serwerowu pśirucku abo pšašajśo se swójogo seśowego administratora, kak dejśo toś te kšace na swójom serwerje nałožyś.

Něnto dejał wy móc, WebCast wužywaś.

Pśikład:

W toś tom pśikłaźe maśo licadło Linux z HTTP-serwerom. URL wašogo HTTP-serwera jo http://mójserwer.com a wudawański zapis wašych HTML-dokumentow jo zapis //user/local/http/. Waše Perl-skripty su w zapisu //user/local/http/cgi-bin/. Zapódajśo pótajmny.htm ako mě eksportoweje dataje a prezentacija ako URL za pśisłucharjow. Zapódajśo http://mójserwer.com/presentacija/ w tekstowem pólu URL za prezentaciju a http://mójserwer.com/cgi-bin/ za URL za Perl-skripty.

Gaž sćo dokóńcył instalaciju datajow Perl, móžo pśednosowaŕ prezentaciju pokazaś. Pśisłucharje mógu se prezentaciju pód URL http://mójserwer.com/prezentacija/prezentacija.htm woglědaś.